ഇടുക്കി: വീട്ടുമുറ്റത്ത് പാർക്ക് ചെയ്‌തിരുന്ന വാഹനം സാമൂഹ്യവിരുദ്ധർ തീയിട്ട് നശിപ്പിച്ചതായി പരാതി. രാജകുമാരി കുരുവിളസിറ്റി വിളയക്കാട്ട് ബേസിൽ ജോണിന്‍റെ മഹീന്ദ്ര മേജർ വാഹനമാണ് ഞായറാഴ്‌ച(ജൂലൈ 3) വെളുപ്പിന് ഒന്നരയോട് കൂടി സാമൂഹ്യവിരുദ്ധർ തീയിട്ട് നശിപ്പിച്ചത്. തീ പടർന്ന് വാഹനത്തിന്‍റെ ചില്ല് തകരുന്ന ശബ്‍ദം കേട്ടപ്പോഴാണ് വീട്ടിലുള്ളവർ വാഹനത്തിന് തീ പിടിച്ചതായി അറിഞ്ഞത്.
ഇടുക്കിയിൽ വീട്ടുമുറ്റത്ത് പാർക്ക് ചെയ്‌തിരുന്ന വാഹനം സാമൂഹ്യവിരുദ്ധർ തീയിട്ട് നശിപ്പിച്ചതായി പരാതി
വൈദ്യുതി കണക്ഷന്‍റെ കേബിൾ കത്തി നശിച്ചതിൽ സമീപത്തെ കിണറിൽ നിന്നും വെള്ളം കോരി ഒഴിച്ചാണ് തീ അണച്ചത്. ഇന്ധന ടാങ്കിലേക്ക് തീ പടരുന്നതിന് മുൻപേ അണക്കുവാൻ സാധിച്ചതിനാൽ വലിയ അപകടം ഒഴിവായി. 28 ദിവസങ്ങൾക്ക് മുൻപ് മുഴുവൻ ജോലികളും തീർത്ത വാഹനമാണ് കത്തി നശിച്ചത്.
