എറണാകുളം: മാമല കണ്ടംകുടിയേറ്റ ആദിവാസി മേഖലയിൽ വീമ്മയെ കാട്ടാന കൊലപ്പെടുത്തി. മാമലകണ്ടം കിഴക്കേ സിറ്റിയിൽ താമസക്കാരിയായ നളിനിയാണ് ആക്രമണത്തിൽ മരണപ്പെട്ടത്. ഇവർ വളർത്തിയിരുന്ന പശുവിനെ കാണാതായതിനെ തുടർന്ന് വനത്തിൽ നടത്തിയ തെരച്ചിലിനിടയിലാണ് വീട്ടമ്മയെ ആന ആക്രമിച്ചത്. നേര്യമംഗലം ഫോറസ്റ്റ് റേഞ്ചിലെ മാമലകണ്ടം ചപ്പാത്ത് വനത്തിൽ ഇന്ന് രാവിലെയാണ് സംഭവം നടന്നത്.
നളിനിയെ കാണാത്തതിനെ തുടർന്ന് നാട്ടുകാർ നടത്തിയ അന്വേഷണത്തിലാണ് ആന കൊലപ്പെടുത്തിയ നിലയിൽ സ്‌ത്രീയുടെ മൃതദേഹം കണ്ടെത്തിയത്. വിവരമറിഞ്ഞ് നേര്യമംഗലം റേഞ്ചിലെ വനപാലകർ സ്ഥലത്തെത്തി പ്രാഥമിക നടപടികൾ സ്വീകരിച്ചു. കാട്ടാന ആക്രമണം ഏറെയുള്ള വനമേഖലയാൽ ചുറ്റപ്പെട്ട പ്രദേശമാണ് മാമല കണ്ടം.
