വൈപ്പിൻ കൊലപാതകം; ഗൂഢാലോചനയെ കുറിച്ച് അന്വേഷണം നടക്കുകയാണെന്ന് ആലുവ റൂറൽ എസ്.പി

പ്രതികളിലൊരാളുടെ പെൺ സുഹൃത്തുമായി ബന്ധപ്പെട്ടുള്ള പ്രശ്‌നമാണ് കൊലപാതകത്തിലേക്ക് നയിച്ചത്. ഇതുവരെ മൂന്ന് പ്രതികളെയാണ് കസ്റ്റഡിയിലെടുത്തതെന്നും ആലുവ റൂറൽ എസ്.പി കെ. കാർത്തിക് പറഞ്ഞു

എറണാകുളം: വൈപ്പിൻ കൊലപാതകത്തിന് പിന്നിലെ ഗൂഢാലോചനയെ കുറിച്ച് അന്വേഷണം നടക്കുകയാണെന്ന് ആലുവ റൂറൽ എസ്.പി കെ. കാർത്തിക്. പ്രതികളിലൊരാളുടെ പെൺ സുഹൃത്തുമായി ബന്ധപ്പെട്ടുള്ള പ്രശ്‌നമാണ് കൊലപാതകത്തിലേക്ക് നയിച്ചത്. ഇതുവരെ മൂന്ന് പ്രതികളെയാണ് കസ്റ്റഡിയിലെടുത്തത്. ഒരാൾ കൂടി പിടിയിലാകാനുണ്ട്.

ലഹരി മാഫിയയുമായി കേസിന് ബന്ധമില്ല. ഒരു പ്രതി നേരത്തെ ഒരു കൊലപാതക ശ്രമത്തിൽ ഉൾപ്പെട്ടിരുന്നു. മരിച്ച വ്യക്തിയും നേരത്തെ ഒരു കേസിൽ പ്രതിയായിരുന്നുവെന്നും എസ്.പി വ്യക്തമാക്കി.