കേരളത്തിനുള്ള വാക്‌സിൻ എപ്പോൾ നൽകുമെന്ന് കേന്ദ്രത്തിനോട് ഹൈക്കോടതി

കേന്ദ്ര സർക്കാറിൻ്റെ വാക്‌സിൻ നയം തിരുത്തണമെന്ന് ആവശ്യപ്പെട്ട് സമർപ്പിച്ച ഹർജിയിലാണ് വാക്‌സിൻ ക്ഷാമം എപ്പോൾ പരിഹരിക്കുമെന്നത് സംബന്ധിച്ച് വിശദീകരണം തേടിയത്.

എറണാകുളം: കേരളത്തിനുള്ള വാക്‌സിൻ എപ്പോൾ നൽകുമെന്ന് കേന്ദ്ര സർക്കാരിനോട് വിശദീകരണം തേടി ഹൈക്കോടതി. വാക്‌സിൻ ക്ഷാമം എപ്പോൾ പരിഹരിക്കുമെന്ന് അറിയിക്കണമെന്നും കോടതി അറിയിച്ചു. കേന്ദ്ര സർക്കാറിൻ്റെ വാക്‌സിൻ നയം തിരുത്തണമെന്ന് ആവശ്യപ്പെട്ട് സമർപ്പിച്ച ഹർജിയിലാണ് കോടതി കേന്ദ്ര സർക്കാറിൻ്റെ വിശദീകരണം തേടിയത്.

അതേസമയം സംസ്ഥാന സർക്കാറിനെയും തെരഞ്ഞെടുപ്പ് കമ്മിഷനെയും ഹൈക്കോടതി രൂക്ഷമായി വിമർശിച്ചു. ഫലപ്രഖ്യാപന വേളയിൽ സ്വീകരിച്ചത് പോലെ പ്രചാരണ വേളയിൽ നിയന്ത്രണങ്ങൾ ഏർപ്പെടുത്താത്തത് കൊവിഡ് വ്യാപനം രൂക്ഷമാക്കിയെന്നും കോടതി വിമർശിച്ചു.