കൊച്ചി: എറണാകുളം അത്താണിയിൽ ഗുണ്ടാ നേതാവ് ബിനോയിയെ വെട്ടിക്കൊലപ്പെടുത്തിയ കേസിലെ മുഖ്യപ്രതികൾ അറസ്റ്റിൽ. ഒന്നാംപ്രതി വിനു വിക്രമൻ, രണ്ടാം പ്രതി ഗ്രിൻഡേഷ്, മൂന്നാംപ്രതി ലാൽ കിച്ചു എന്നിവരാണ് പിടിയിലായത്. ഗുണ്ടാസംഘങ്ങൾ തമ്മിലുള്ള കുടിപ്പകയെ തുടര്‍ന്ന് പതിനേഴിന് രാത്രി എട്ടുമണിയോടെയാണ് റോഡരികിൽ നിന്ന ബിനോയിയെ മൂന്നുപേർ വെട്ടിക്കൊലപ്പെടുത്തിയത്. ബാറിൽ നിന്നും പുറത്തിറങ്ങിയ ബിനോയിയെ ആളുകൾ നോക്കി നിൽക്കെയാണ് പ്രതികൾ വെട്ടി കൊലപ്പെടുത്തിയത്.
ബിനോയിയെ വെട്ടിക്കൊലപ്പെടുത്തുന്നതിന്‍റെ സി.സി.ടി.വി. ദുശ്യങ്ങൾ പുറത്ത് വന്നിരുന്നു. കൊലപാതകത്തിന് ശേഷം ഒളിവിലായിരുന്ന മുഖ്യ പ്രതികളെ ഇന്നലെ രാത്രിയിൽ പൊലീസ് കസ്റ്റഡിയിലെടുത്തു. ഒന്നാംപ്രതി വിനു, രണ്ടാം പ്രതി ഗ്രിൻഡേഷ് എന്നിവരെ ചാലക്കുടിക്ക് സമീപം പൊങ്ങത്ത് നിന്നും മൂന്നാം പ്രതി ലാൽ കിച്ചുവിനെ കൊച്ചിയിൽ നിന്നുമാണ് പിടികൂടിയത്. ഗൂഢാലോചനയിൽ പങ്കെടുത്ത ആറുപേർ നേരത്തേ പിടിയിലായിരുന്നു.
