എറണാകുളം: ആലുവയിൽ കെ.എസ്.യു - എസ്.എഫ്.ഐ സംഘർഷം. ഭാരത് മാതാ സ്‌കൂള്‍ ഓഫ് ലീഗൽ സ്റ്റഡീസിലാണ് വിദ്യാർഥികൾ ചേരിതിരിഞ്ഞ് ഏറ്റുമുട്ടിയത്. സംഘർഷത്തിൽ നിരവധി പേർക്ക് പരിക്കേറ്റു.
ആലുവയില്‍ കെ.എസ്.യു - എസ്.എഫ്.ഐ സംഘർഷം; നിരവധി പേർക്ക് പരിക്ക്
കോളേജിൽ കൊടിമരം സ്ഥാപിക്കുന്നതുമായി ബന്ധപ്പെട്ട തർക്കമാണ് സംഘർഷത്തിൽ കലാശിച്ചത്. പരസ്പരം പോർവിളികളുമായി കാമ്പസിന് സമീപം നിലയുറപ്പിച്ച എസ്.എഫ്.ഐ, കെ.എസ്.യു പ്രവര്‍ത്തകരെ പൊലീസ് ഇടപെട്ടാണ് പിന്തിരിപ്പിച്ചത്.
also read: ലൈംഗിക തൊഴിൽ നിരോധിച്ച് നാഗ്‌പൂർ പൊലീസ് ; ഉത്തരവ് ചോദ്യം ചെയ്‌ത് ഹർജി
സംഘർഷത്തിൽ ഇരു സംഘടനയിലും പെട്ട വിദ്യാർത്ഥികൾക്കെതിരെ കേസെടുത്തിട്ടുണ്ട്. വിദ്യാർഥി സംഘടനകൾക്ക് പിന്തുണയുമായി പാർട്ടി പ്രവർത്തകരും സംഘർഷത്തിനൊപ്പം ചേർന്നതായും ആരോപണമുണ്ട്.
