എറണാകുളം: അന്തരിച്ച കോൺഗ്രസ് നേതാവും എംഎല്എയുമായ പി.ടി തോമസിന്റെ (PT Thomas) മൃതശരീരം ഇടുക്കിയില് നിന്നും കൊച്ചി പാലാരിവട്ടത്തെ സ്വന്തം വീട്ടിലെത്തിച്ചു. പ്രമുഖ കോണ്ഗ്രസ് നേതാക്കളടക്കം നിരവധി പേരാണ് മൃതദേഹത്തില് ആദരാഞ്ജലികള് അര്പ്പിക്കാനായി എത്തിയത്.
കെപിസിസി പ്രസിഡന്റ് കെ സുധാകരന്, പ്രതിപക്ഷ നേതാവ് വിഡി സതീശന്, മുന് കെപിസിസി പ്രസിഡന്റ് മുല്ലപ്പള്ളി രാചന്ദ്രന്, മുന് മുഖ്യമന്ത്രി ഉമ്മന് ചാണ്ടി, രമേശ് ചെന്നിത്തല, ഹൈബി ഈഡന്, തുടങ്ങിയവര് പാലാരിവട്ടത്തെ വീട്ടിലുണ്ടായിരുന്നു.
ടൗണ്ഹാളില് എത്തിച്ച പിടി തോമസിന്റെ ഭൗതിക ശരീരത്തില് കോൺഗ്രസ് നേതാവ് രാഹുല് ഗാന്ധി അന്തിമോപചാരം അര്പ്പിച്ചു. കനത്ത ജനത്തിരക്ക് കാരണം സംസ്കാര ചടങ്ങുകള് നിശ്ചയിച്ചതിലും വൈകിയേക്കുമെന്ന് പ്രതിപക്ഷ നേതാവ് വി.ഡി സതീശന് പറഞ്ഞു. വൈകിട്ട് അഞ്ച് മണിക്ക് മുഖ്യമന്ത്രി പിണറായി വിജയന് അടക്കമുള്ള നേതാക്കള് അന്തിമോപചാരം അര്പ്പിക്കാനെത്തും.
Also Read: 'ചന്ദ്രകളഭം ചാർത്തിയുറങ്ങും': പി.ടി തോമസിന്റെ സംസ്കാരം ഇന്ന് കൊച്ചിയില്; മതചടങ്ങുകളില്ല