കൊച്ചി: നടി കെ.പി.എ.സി ലളിതയെ ആരോഗ്യ പ്രശ്‌നങ്ങളെ തുടർന്ന് ആശുപത്രിയിൽ പ്രവേശിപ്പിച്ചു. കൊച്ചിയിലെ സ്വകാര്യ ആശുപത്രിയിലാണ്‌ പ്രവേശിപ്പിച്ചത്‌. ഇപ്പോള്‍ സൂക്ഷ്‌മ നിരീക്ഷണത്തിലാണ്.
കേരള സംഗീത നാടക അക്കാദമി ചെയർപേഴ്‌സൺ കൂടിയായ നടി ഏതാനും ആഴ്‌ചകളായി അസുഖബാധിതയായി തൃശൂരിലെ ആശുപത്രിയിൽ ചികിത്സയിലായിരുന്നു. കുറച്ചു നാളുകളായി നടി അസുഖ ബാധിതയായിരുന്നെന്ന്‌ 'അമ്മ' സെക്രട്ടറി ഇടവേള ബാബു പറഞ്ഞു.
ALSO READ: ആവശ്യങ്ങള്‍ അംഗീകരിച്ച്‌ സർവകലാശാല, നിരാഹാര സമരം അവസാനിപ്പിച്ച്‌ ദീപ പി മോഹനൻ
ഇന്ന് ആരോഗ്യനില മെച്ചപ്പെട്ടിട്ടുണ്ട്‌. പ്രമേഹവും കരളിന്‌ രോഗവുമുണ്ട്. പൂനെയിലുള്ള മകൾ ഇപ്പോൾ ഒപ്പമുണ്ടെന്നും ഇടവേള ബാബു പറഞ്ഞു.
അന്തരിച്ച കേരളത്തിലെ ഏറ്റവും ജനപ്രിയ സംവിധായകരിലൊരാളായ ഭരതന്‍റെ ഭാര്യയാണ് ലളിത. 1978-ൽ ആരംഭിച്ച അഭിനയ ജീവിതത്തിൽ ഇതുവരെ 550-ലധികം സിനിമകളിൽ അഭിനയിച്ച ലളിത, നാല് സംസ്ഥാന ചലച്ചിത്ര അവാർഡുകൾ കൂടാതെ രണ്ട് ദേശീയ ചലച്ചിത്ര അവാർഡുകളും നേടിയിട്ടുണ്ട്. മകൻ സിദ്ധാർഥ് നടനും സംവിധായകനുമാണ്.
