കോതമംഗലം വടാട്ടുപാറ കൊലപാതകം; പ്രതി അറസ്റ്റിൽ

പ്രതിക്ക് മാനസിക പ്രശ്നങ്ങളുള്ളതായി സൂചന

കൊച്ചി: കോതമംഗലം വടാട്ടുപാറയിൽ സ്ത്രീയെ കഴുത്തറത്ത് കൊലപ്പെടുത്തിയ കേസിലെ പ്രതി അറസ്റ്റിൽ. റബ്ബർ ട്ടാപ്പിംഗ് തൊഴിലാളിയായ കരുവള്ളിക്കുടി വീട്ടിൽ കുഞ്ഞുമുഹമ്മദ് ആണ് അറസ്റ്റിലായത്. പ്രതിക്ക് മാനസിക പ്രശ്നങ്ങളുള്ളതായാണ് വിവരം. കുഞ്ചറക്കാട്ട് മാത്യുവിന്‍റെ ഭാര്യ മേരിയെ ഇന്ന് രാവിലെയാണ് കഴുത്തറത്ത് മരിച്ച നിലയിൽ കണ്ടത്. രാവിലെ വീടിനോട് ചേർന്നുള്ള പുരയിടത്തിലെ റബർ മരങ്ങളിൽ നിന്ന് ഒട്ടുപാല്‍ ശേഖരിക്കാനാണ് മേരി വീട്ടിൽ നിന്നും ഇറങ്ങിയത്. മടങ്ങി വരാൻ വൈകിയതിനെ തുടർന്ന് ഭർത്ത് മാത്യു തോട്ടത്തില്‍ നടത്തിയ പരിശോധന മൃതദേഹം കണ്ടെത്തുകയായിരുന്നു.