എറണാകുളം: ഇന്ധനവിലക്കെതിരെ കൊച്ചിയില്‍ കോണ്‍ഗ്രസ് നടത്തിയ പ്രതിഷേധത്തില്‍ സംഘര്‍ഷം. വഴി തടഞ്ഞുകൊണ്ടുള്ള സമരത്തിനെതിരെ പ്രതിഷേധിച്ച നടന്‍ ജോജു ജോര്‍ജുവിന്‍റെ വാഹനം ഏതാനു പേര്‍ അടിച്ചു തകര്‍ത്തു. ജോജു ജോര്‍ജ് മദ്യപിച്ചെത്തി സമരത്തെ തകര്‍ക്കാൻ ശ്രമിച്ചുവെന്നും വനിത പ്രവര്‍ത്തകരെ ഉള്‍പ്പടെ അസഭ്യം പറയുകയും ചെയ്തുവെന്ന് ഡി.സി.സി പ്രസിഡന്‍റ് മുഹമ്മദ് ഷിയാസ് ആരോപിച്ചു.
കൊച്ചിയില്‍ കോണ്‍ഗ്രസിന്‍റെ പ്രതിഷേധം അക്രമത്തില്‍ കലാശിച്ചു; നടൻ ജോജുവിന്‍റെ വാഹനം തകര്‍ത്തു
11 മണിക്ക് തുടങ്ങിയ പ്രതിഷേധത്തിന് കോണ്‍ഗ്രസ് നേരത്തെ അനുമതി നേടിയിരുന്നു. 12 മണിവരെ ആയിരുന്നു പ്രതിഷേധം. എന്നാല്‍ ജനങ്ങളുടെ പ്രതിഷേധം കാരണം സമരം നേരത്തെ അവസാനിപ്പിക്കുകയായിരുന്നു.
