പ്രളയബാധിതർക്ക് കൈത്താങ്ങായി ഗവൺമെന്‍റ് പ്രസ് ജീവനക്കാർ

ദുരിതാശ്വാസ പ്രവർത്തനങ്ങൾക്കായി എറണാകുളത്ത് ഗവൺമെന്‍റ് പ്രസ്സ് ജീവനക്കാർ അവശ്യവസ്തുക്കൾ സംഭരിച്ചു നൽകി. ഇരുന്നൂറോളം ജീവനക്കാരാണ് ഇതില്‍ പങ്കാളികളായത്

എറണാകുളം : ദുരിതാശ്വാസ പ്രവർത്തനങ്ങൾക്കായി എറണാകുളം ഗവ. പ്രസ്സ് ജീവനക്കാർ അവശ്യവസ്തുക്കൾ സംഭരിച്ചു നൽകി. ശുചീകരണ ഉപകരണങ്ങൾ, ഫിനോയിൽ, ടോയ്ലറ്റ് ലോഷനുകൾ, ബക്കറ്റ്, കപ്പ്, ഫാമിലി കിറ്റുകളാക്കി തരംതിരിച്ച അലൂമിനിയം പാത്രങ്ങൾ തുടങ്ങിയാണ് നൽകിയത്. പ്രസ്സ് റിക്രിയേഷൻ ക്ലബ്ബിന്റെ ആഭിമുഖ്യത്തിൽ പ്രസ്സിലെ ഇരുന്നൂറോളം വരുന്ന ജീവനക്കാരുടെ സംഭാവന ഉപയോഗിച്ചാണ് സാധനങ്ങൾ വാങ്ങിയത്. ഡെപ്യൂട്ടി സൂപ്രണ്ട് കെ.ജി.ത്യാഗി ഇവ കളക്ടറേറ്റ് പ്ലാനിങ് ഹാളിൽ ബന്ധപ്പെട്ട ഉദ്യോഗസ്ഥർക്ക് കൈമാറി. അസി. സൂപ്രണ്ട് സി.കെ.പ്രേംശങ്കർ, റിക്രിയേഷൻ ക്ലബ്ബ് പ്രസിഡൻറ് പി.എസ്.ജോളി, സെക്രട്ടറി വി.ആർ.ദീപു തുടങ്ങിയവർ നേതൃത്വം നൽകി.