തിരുച്ചിറപ്പള്ളി: തമിഴ്‌നാട്ടിലെ ട്രിച്ചി-ചെന്നൈ ദേശീയപാതയിൽ കാർ താഴ്‌ചയിലേക്ക് മറിഞ്ഞ് മലയാളി ദമ്പതികൾ മരിച്ചു (Car Accident in Trichy, Keralite died). എറണാകുളം സ്വദേശികളായ ശ്രീനാഥും ഭാര്യയുമാണ് മരിച്ചത്. തിരുവാണൈക്കാവൽ ചെക്ക്പോസ്റ്റിന് സമീപത്തെ കൊല്ലിടം മേൽപ്പാലത്തിൽ വച്ചാണ് സംഭവം.
കാർ നിയന്ത്രണം തെറ്റി 50 അടി താഴ്‌ചയിലേക്ക് മറിയുകയായിരുന്നു. ഇരുവരും സംഭവസ്ഥലത്ത് വച്ച് തന്നെ മരിച്ചു. ശ്രീരംഗം പൊലീസും ഫയർ ആൻഡ് റെസ്‌ക്യൂ വിഭാഗവും സ്ഥലത്തെത്തി മൃതദേഹം പുറത്തെടുത്തു.
Also read: കശ്‌മീരില്‍ വാഹനാപകടം; മലയാളികള്‍ ഉള്‍പ്പെടെ 5 മരണം,മരിച്ചത് പാലക്കാട് ചിറ്റൂര്‍ സ്വദേശികള്‍
കശ്‌മീരിലെ വാഹനാപകടം, നാല് മലയാളികൾ മരിച്ചു: ഡിസംബർ അഞ്ചിനാണ് കശ്‌മീരിലെ വാഹനാപകടത്തിൽ മലയാളികൾ ഉൾപ്പെടെ അഞ്ച് പേർ മരിച്ചത്. അമിത വേഗത്തിലെത്തിയ വാഹനം നിയന്ത്രണം നഷ്‌ടപ്പെട്ട് കുഴിയിലേക്ക് മറിഞ്ഞാണ് അപകടം ഉണ്ടായത്. പാലക്കാട് ചിറ്റൂര്‍ സ്വദേശികളായ സുധേഷ്, അനില്‍, രാഹുല്‍, വിഘ്നേഷ് എന്നിവരാണ് മരിച്ചത്. ഡ്രൈവറായ കശ്‌മീര്‍ സ്വദേശി ഇജാസ് അഹമ്മദും മരിച്ചു. ഡ്രൈവര്‍ ഉള്‍പ്പെടെ എട്ട് പേരാണ് വാഹനത്തില്‍ ഉണ്ടായിരുന്നത്.
