ആലപ്പുഴ : ചേർത്തലയിൽ വാഹനാപകടത്തിൽ സ്‌കൂട്ടർ യാത്രക്കാരനായ യുവാവ് മരിച്ചു. ചേർത്തല പുത്തനങ്ങാടി സ്വദേശി തൗഫീഖ് (25) ആണ് മരിച്ചത്. ചേർത്തല എക്സ്റേ ബൈപ്പാസിന് തെക്ക് വശത്താണ് അപകടം.
KL-32 Q7877 ഹോണ്ട ഡിയോ സ്‌കൂട്ടറാണ് അപകടത്തിൽപ്പെട്ടത്. രാവിലെ വീട്ടിൽ നിന്ന് ചേർത്തലയിലെ കടയിലേയ്ക്ക് പോകുമ്പോൾ കാർ തട്ടി റോഡിൽ വീഴുകയായിരുന്നു. പിന്നാലെ വന്ന പാൽ വണ്ടി തൗഫീഖിന്‍റെ തലയിലൂടെ കയറിയിറങ്ങിയെന്ന് ദൃക്‌സാക്ഷികൾ പറയുന്നു.
അതേസമയം തട്ടിയിട്ട കാർ നിർത്താതെ പോയി. തൗഫീഖ് സംഭവസ്ഥലത്ത് തന്നെ മരിച്ചു. ചേർത്തല മാംഗോ ജെൻസ് വെയർ ജീവനക്കാരനാണ്. മൃതദേഹം ചേർത്തല താലൂക്കാശുപത്രി മോർച്ചറിയിൽ സൂക്ഷിച്ചിരിക്കുകയാണ്.
ALSO READ: കർണാടകയിൽ 23കാരിയെ ഹോസ്റ്റലിൽ കയറി പീഡിപ്പിച്ചു ; പ്രതി അറസ്റ്റിൽ
