ആലപ്പുഴ: മൂഴിയാർ അണക്കെട്ടിന്‍റെ ഷട്ടര്‍ ഉയര്‍ത്തിയ പശ്ചാത്തലത്തില്‍ പമ്പാ തീര നിവാസികള്‍ ജാഗ്രത പാലിക്കണമെന്ന് ജില്ലാ കലക്‌ടര്‍. പത്തനംതിട്ട ജില്ലയിൽ അതിശക്തമായ മഴ തുടരുന്ന പശ്ചാത്തലത്തിലാണ് മൂന്ന് ഷട്ടറുകള്‍ 30 സെന്‍റീമീറ്റര്‍ വീതം ഉയര്‍ത്തിയത്. കക്കാട്ടാറിലേക്ക് ഒഴുക്കി വിടുന്ന വെള്ളം പമ്പയാറിലാണ് എത്തുക.
ഈ പശ്ചാത്തലത്തില്‍ തീരപ്രദേശങ്ങളായ ചെങ്ങന്നൂർ മുൻസിപ്പാലിറ്റി, ചെറുയന, മാന്നാർ, തിരുവൻവണ്ടൂർ, പാണ്ടനാട്, എടത്വ, ചെന്നിത്തല, തൃപ്പെരുന്തുറ, വീയപുരം, കുമാരപുരം നിവാസികള്‍ ഉള്‍പ്പെടെ ജാഗ്രത പുലർത്തണമെന്ന് ജില്ലാ കലക്‌ടര്‍ അറിയിച്ചു.
