ആലപ്പുഴ: മത്സ്യഫെഡ് ചെയർമാനും സിഐടിയു സംസ്ഥാന സെക്രട്ടറിയുമായ പി.പി ചിത്തരഞ്ജൻ കൊവിഡ് മുക്തനായി. ചിത്തരഞ്ജൻ തന്നെയാണ് ഇക്കാര്യം ഫേസ്ബുക്ക് പോസ്റ്റിലൂടെ അറിയിച്ചത്.
സെപ്റ്റംബർ 21ന് കൊവിഡ് സ്ഥിരീകരിച്ച അദ്ദേഹം ഹോം ഐസൊലേഷനിൽ കഴിയുകയായിരുന്നു. രോഗം സ്ഥിരീകരിച്ച് പത്ത് ദിവസത്തിന് ശേഷം വീണ്ടും പരിശോധന നടത്തിയപ്പോഴാണ് ഫലം നെഗറ്റീവായതായത്. ഏഴ് ദിവസം കൂടി വീട്ടിൽ നിരീക്ഷണത്തിൽ കഴിയണമെന്നാണ് ആരോഗ്യ പ്രവർത്തകരുടെ നിർദേശമെന്നും എല്ലാവരുടെ സഹകരണങ്ങൾക്ക് നന്ദി അറിയിക്കുന്നതായും ചിത്തരഞ്ജൻ ഫേസ്ബുക്ക് പേജിൽ കുറിച്ചു.
