ആലപ്പുഴ: പുതുവത്സര ആഘോഷത്തിനിടെ ആലപ്പുഴ ബീച്ചിൽ ഒരു കൂട്ടമാളുകള്‍ ഗാനമേള നടക്കുന്ന സ്റ്റേജില്‍ അതിക്രമിച്ച് കയറി പരിപാടി അലങ്കോലപ്പെടുത്താന്‍ ശ്രമിച്ചു. സിനിമാ പിന്നണി ഗായകൻ അഫ്സലും സംഘവും നടത്തിയ ഗാനമേളക്കിടെ പാട്ട് മോശമായി എന്നാരോപിച്ചാണ് ഒരു സംഘം പ്രശ്നമുണ്ടാക്കിയത്. പൊലീസെത്തിയാണ് സ്റ്റേജില്‍ അത്രിക്രമിച്ച് കയറിയവരെ മാറ്റിയത്. തുടർന്ന് സംഘാടകർ പരിപാടി നിർത്തി വെച്ചു. ഇത് സംഘാടകരും നാട്ടുകാരും തമ്മിൽ വാക്കേറ്റത്തിന് കാരണമായി. വേദിയില്‍ അതിക്രമിച്ച് കയറിവര്‍ക്കെതിരെ പൊലീസില്‍ പരാതി നല്‍കുമെന്ന് ബീച്ച് ഫെസ്റ്റിന്റെ മുഖ്യ സംഘാടകരായ ജില്ലാ ടൂറിസം പ്രമോഷൻ കൗൺസില്‍ അറിയിച്ചു.
പുതുവത്സരാഘോഷത്തിനിടെ ആലപ്പുഴയിൽ കൂട്ടത്തല്ല്; പ്രതിഷേധവുമായി നാട്ടുകാർ
