ആലപ്പുഴ: കുട്ടനാടിന്റെ വികസന മുരടിപ്പിന് അന്ത്യം കുറിക്കാൻ കച്ചകെട്ടിയിറങ്ങിയിരിക്കുകയാണ് ഭരണപരിഷ്കാര കമ്മിഷൻ ചെയർമാൻ വി എസ് അച്യുതാനന്ദനും കൂട്ടരും. ഇതിന്റെ ആദ്യ പടി എന്നോണം 'കുട്ടനാടിന്റെ സുസ്ഥിര വികസനം-ഭരണപരമായ പ്രശ്നങ്ങൾ' എന്ന വിഷയത്തിൽ ഏകദിന സെമിനാർ സംഘടിപ്പിച്ചു. ഈ വിഷയത്തിൽ ഭരണപരിഷ്കാര കമ്മിഷൻ നടത്തിവരുന്ന പഠനത്തിന്റെ ഭാഗമായാണ് കുട്ടനാട് മങ്കൊമ്പ് നെല്ലു ഗവേഷണ കേന്ദ്രത്തിൽ ഏകദിന സെമിനാർ സംഘടിപ്പിച്ചത്.
കമ്മിഷൻ ചെയർമാൻ വി എസ് അച്യുതാനന്ദൻ അധ്യക്ഷത ചേർന്ന യോഗത്തിൽ കാർഷിക മേഖലയുമായും പൊതുസമൂഹവുമായും ബന്ധപ്പെട്ട് പ്രവർത്തിക്കുന്ന വ്യക്തികളും സംഘടന പ്രതിനിധികളും ഉദ്യോഗസ്ഥരും പങ്കെടുത്തു.
കുട്ടനാടിന്റെ സുസ്ഥിര വികസനം: ഭരണ പരിഷ്‌കാര കമ്മിഷന്‍റെ ആഭിമുഖ്യത്തിൽ സെമിനാർ സംഘടിപ്പിച്ചു
