ആലപ്പുഴ: സ്വകാര്യ ലാബ് ജീവനക്കാരന്റെ മൃതദേഹം കത്തികരിഞ്ഞ നിലയിൽ കണ്ടെത്തി. പുന്നപ്ര വടക്ക് പഞ്ചായത്ത് പത്താം വാർഡിൽ നാല് തൈക്കൽ വീട്ടിൽ ഷാജിയെയാണ് (53) മരിച്ച നിലയിൽ കണ്ടെത്തിയത്. പുലർച്ചെ നടക്കാനിറങ്ങിയവരാണ് കപ്പക്കട സിഎംഎസ് ഗ്രൗണ്ടില്‍ മൃതദേഹം കണ്ടെത്തിയത്.
സമീപത്തെ പെട്രോൾ പമ്പിൽ നിന്ന് വാങ്ങിയ എണ്ണയൊഴിച്ച് ജീവനൊടുക്കിയതായാണ് സംശയം. പുന്നപ്ര പൊലിസ് സ്ഥലത്തെത്തി ഇൻക്വസ്റ്റ് നടപടികൾ പൂർത്തിയാക്കി. സോറിയാസിസ് രോഗബാധിതനായ ഷാജി അതിലുള്ള മനഃപ്രയാസം മൂലമാണ് ആത്മഹത്യ ചെയ്തതെന്നാണ് അടുത്ത സുഹൃത്തുക്കളിൽ നിന്നും ലഭിക്കുന്ന വിവരം. വണ്ടാനം ശങ്കേഴ്‌സ് ലാബിലെ ജീവനക്കാരനായ ഷാജി ഭാര്യ അജിതക്കും രണ്ട് കുട്ടികൾക്കുമൊപ്പമാണ് താമസം.
