ന്യൂഡല്‍ഹി: ഇന്ത്യയുടെ അഭിമാന താരങ്ങളാണ് ലിയാണ്ടർ പേസും മഹേഷ് ഭൂപതിയും. അടുത്തിടെയാണ് ലീഹേഷ് എന്നറിയപ്പെടുന്ന ഇരുവരും തങ്ങളുടെ ആദ്യ വിംബിൾഡൺ നേട്ടത്തിന്‍റെ 22ാം വാര്‍ഷികം ആഘോഷിച്ചത്. 1999ലായിരുന്നു വിംബിൾഡണില്‍ പുരുഷന്മാരുടെ ഡബിള്‍സില്‍ ഇരുവരും വിജയം നേടിയത്.
also read: സാമന്തയും ശരണും... ടെന്നിസ് കോർട്ടിലെ ഇന്ത്യൻ -ബ്രിട്ടീഷ് പ്രണയകഥ
ഇതിന്‍റെ ചിത്രം സോഷ്യല്‍ മീഡിയയില്‍ പങ്കുവെച്ചുകൊണ്ട് താരങ്ങള്‍ രംഗത്തെത്തിയിരുന്നു. ഇതിന് പിന്നാലെ കായിക, സിനിമാ താരങ്ങള്‍ അടക്കം നിരവധി ആരാധകര്‍ ഇരുവരേയും ഒരുക്കല്‍ കൂടി അഭിനന്ദിച്ച് രംഗത്തെത്തിയിരുന്നു. എന്നാവും ഒരിക്കല്‍ കൂടി ഇരുവരും കളിക്കളത്തില്‍ ഒന്നിക്കുകയെന്ന് പലരും ചോദിക്കുകയും ചെയ്തു.
ഇപ്പോഴിതാ ഇരുവരും ഒരിക്കല്‍ കൂടി ഒന്നിക്കുന്നുവെന്ന വാര്‍ത്തയാണ് പുറത്തുവരുന്നത്. എന്നാല്‍ കളിക്കളത്തിന് പുറത്ത് വെബ് സീരീസിനായാണെന്ന് മാത്രം. ഇരുവരുടേയും ജീവിത കഥ പറയുന്ന വെബ് സീരീസ് അവാര്‍ഡ് വിന്നിങ് ഡയറക്ടര്‍മാരായ അശ്വിനി അയ്യർ തിവാരി, നിതേഷ് തിവാരി എന്നിവര്‍ ചേര്‍ന്നാണ് സംവിധാനം ചെയ്യുന്നത്.
also read: മത്സരം സമനിലയില്‍; ജീവിത വിജയം പിടിച്ച് ഫുട്ബോള്‍ താരം; വീഡിയോ വൈറല്‍
അശ്വിനിയും നിതേഷും ആദ്യമായി ഒന്നിക്കുന്നുവെന്ന പ്രത്യേകത കൂടി ഈ സീരീസിനുണ്ട്. ഒടിടി റിലീസായാവും ഇരുവരുടേയും ജീവിതം പ്രേക്ഷകര്‍ക്ക് മുന്നിലെത്തുക. എന്നാല്‍ കൂടുതല്‍ വിവരങ്ങള്‍ പുറത്ത് വന്നിട്ടില്ല.
