പാരീസ് : ഫ്രഞ്ച് ഓപ്പണ്‍ വനിത ഡബിള്‍സ് കിരീടം ചെക്ക് റിപ്പബ്ലിക്കിന്‍റെ കാത്തജീന സിനിയക്കോവ -ബര്‍ബോറ ഗ്രെചികോവ സഖ്യത്തിന്. നേരിട്ടുളള സെറ്റുകൾക്കാണ് ചെക്ക് താരങ്ങളുടെ ജയം. സ്കോർ 6-4 6-2.
also read:കോപ്പയിൽ വിജയ തുടക്കവുമായി കൊളംബിയ
വനിത സിംഗിള്‍സ് കിരീടം നേടിയതിന് പിന്നാലെ നേടിയ ഡബിൾസിലെ വിജയം ബര്‍ബോറക്ക് ഇരട്ടി മധുരമായി. പോളണ്ട് താരം ഇഗ ശ്വാൻടെക്ക്- അമേരിക്കൻ താരം ബെഥനി മാറ്റെക്-സാൻഡ്സ് സഖ്യത്തെ തോൽപ്പിച്ചാണ് കാത്തജീന-ബര്‍ബോറ സഖ്യം കിരീടത്തിൽ മുത്തമിട്ടത്.
ജയത്തോടെ വനിത ഡബിൾസിൽ കാത്തജീന-ബര്‍ബോറ സഖ്യം ഒന്നാമതെത്തി. 2000 ത്തിൽ നടന്ന ഫ്രഞ്ച് ഓപ്പണിൽ മേരി കരോലിൻ പിയേഴ്സും സിംഗിള്‍- ഡബിള്‍സ് കീരിടങ്ങള്‍ നേടി സമാന നേട്ടം സ്വന്തമാക്കിയിരുന്നു.
