മെല്‍ബണ്‍: ഓസ്‌ട്രേലിയന്‍ ഓപ്പണില്‍ നിലവിലെ ചാമ്പ്യന്‍ സെർബിയന്‍ താരം നൊവാക് ദ്യോക്കോവിച്ചും സ്വിസ് താരം റോജർ ഫെഡററും ഗ്രീക്ക് താരം സ്‌റ്റെഫാനോസ് സിറ്റ്സിപാസും രണ്ടാം റൗണ്ടിലേക്ക് കടന്നു. അനായാസ ജയത്തോടെയാണ് ഫെഡറര്‍ തുടങ്ങിയത്. അമേരിക്കയുടെ സ്റ്റീവ് ജോണ്‍സണെ നേരിട്ടുള്ള സെറ്റുകള്‍ക്കാണ് താരം തോല്‍പ്പിച്ചത്. 81 മിനിറ്റുകൊണ്ട് ഫെഡറര്‍ മത്സരം പൂര്‍ത്തിയാക്കി. 11 എയ്‌സുകളാണ് ഫെഡററുടെ റാക്കറ്റില്‍ നിന്ന് പറന്നത്. അമേരിക്കന്‍ താരത്തിന് പൊരുതാന്‍ പോലും സാധിച്ചില്ല. സ്‌കോര്‍ 3-6, 2-6, 2-6. ജർമൻ താരം ജാൻ-ലെനാർഡ് സ്ട്രോഫിനെയാണ് ദ്യോക്കോവിച്ച് തോല്‍പ്പിച്ചത്. സ്‌കോർ: 7-6 (7/5), 6-2, 2-6, 6-1.
വനിത വിഭാഗത്തില്‍ സെറീന വില്യംസും വിജയിച്ചു. റഷ്യയുടെ പൊറ്റപോവയെ നേരിട്ടുള്ള സെറ്റുകള്‍ക്കാണ് താരം തോല്‍പ്പിച്ചത്. സ്‌കോര്‍ 0- 6, 3-6. എട്ടാം സീഡ് ഇറ്റാലിയന്‍ താരം മതിയോ ബെരേറ്റിനിയും ജയത്തോടെ തുടങ്ങി. ഓസ്‌ട്രേലിയയുടെ ആന്‍ഡ്രൂ ഹാരിസിനെ 6-3, 6-1, 6-3നാണ് ഹാരിസ് തോല്‍പ്പിച്ചത്.
