മോൺ‌ട്രിയൽ : കനേഡിയന്‍ ഓപ്പണ്‍ ടെന്നിസ് കിരീടം സ്‌പെയിനിന്‍റെ പാബ്ലോ കരേനോ ബുസ്റ്റയ്‌ക്ക്. പുരുഷ സിംഗിള്‍സ് ഫൈനലില്‍ പോളിഷ്‌ താരം ഹ്യൂബർട്ട് ഹർകാക്സിനെയാണ് കരേനോ ബുസ്റ്റ കീഴടക്കിയത്. ഒന്നിനെതിരെ രണ്ട് സെറ്റുകള്‍ക്കാണ് പോളിഷ്‌ താരത്തിനെതിരെ 31കാരനായ കരേനോ ബുസ്റ്റ ജയം പിടിച്ചത്.
also read: കനേഡിയന്‍ ഓപ്പണില്‍ ഹാലപിന് കിരീടം, റാങ്കിങ്ങില്‍ കുതിപ്പ്
ആദ്യ സെറ്റ് കൈമോശം വന്ന താരം തുടര്‍ന്നുള്ള രണ്ട് സെറ്റുകളും സ്വന്തമാക്കിയാണ് മത്സരം പിടിച്ചത്. സ്‌കോര്‍: 3-6, 6-3, 6-3. കരേനോ ബുസ്റ്റയുടെ ഏഴാമത്തെ എടിപി ടൂര്‍ ലെവല്‍ കിരീടമാണിത്. മത്സരം വിജയിക്കാനായതില്‍ പറഞ്ഞറിയിക്കാനാവാത്ത സന്തോഷമുണ്ടെന്ന് താരം പ്രതികരിച്ചു.
