ഹാങ്‌ചോ : ഏഷ്യന്‍ ഗെയിംസ് 19-ാം (Asian Games 2023) പതിപ്പില്‍ ഇന്ത്യയ്‌ക്ക് രണ്ടാം വെള്ളി (Asian Games India 2nd Silver Medal). തുഴച്ചിലില്‍ (Lightweight Men’s Double Sculls Results) അര്‍ജുന്‍ ലാല്‍ (Arjun Lal Jat), അരവിന്ദ് സിങ് (Aravind Singh) സഖ്യമാണ് ഇന്ത്യയ്‌ക്ക് വെള്ളി നേടിക്കൊടുത്തത്. ഗെയിംസില്‍ ഇന്ത്യയുടെ രണ്ടാമത്തെ മെഡലാണിത്.
മത്സരത്തില്‍ ആതിഥേയരായ ചൈനയ്‌ക്ക് (China) പിന്നിലായി രണ്ടാം സ്ഥാനക്കാരായിട്ടാണ് ഇന്ത്യന്‍ സഖ്യം ഫിനിഷ് ചെയ്‌തത്. ഉസ്‌ബെക്കിസ്ഥാനാണ് (Uzbekistan) ഈ വിഭാഗത്തിലെ വെങ്കല മെഡല്‍ ജേതാക്കാള്‍.
പുരുഷ വിഭാഗത്തിലും വെള്ളി: ഏഷ്യന്‍ ഗെയിംസ് 2023 പുരുഷ വിഭാഗം തുഴച്ചിലില്‍ (Rowing) ഇന്ത്യയ്‌ക്ക് വെള്ളി. ഇന്ത്യയുടെ എട്ട് അംഗ സംഘമാണ് മത്സരത്തില്‍ വെള്ളി മെഡല്‍ നേടിയെടുത്തത്. ചൈന, ഇന്തോനേഷ്യ (Indonesia) എന്നീ രാജ്യങ്ങളാണ് മത്സരത്തില്‍ സ്വര്‍ണവും വെങ്കലവും സ്വന്തമാക്കിയത്.
ആദ്യ മെഡല്‍ എയര്‍ റൈഫിളില്‍ : ഏഷ്യന്‍ ഗെയിംസ് 2023ല്‍ 10 മീറ്റര്‍ എയര്‍ റൈഫിള്‍ ടീം വിഭാഗത്തില്‍ വനിത സംഘമാണ് ഇന്ത്യയ്‌ക്ക് ആദ്യ മെഡല്‍ നേടിക്കൊടുത്തത് (India's First Medal In Asian Games 2023). മെഹുലി ഘോഷ് (Mehuli Ghosh), ആഷി ചൗക്‌സി (Ashi Chouksey), റമിത (Ramita) എന്നിവരാണ് ഇന്ത്യയ്ക്കായി മത്സരത്തില്‍ വെള്ളി മെഡല്‍ നേടിയത്. ഈ വിഭാഗത്തില്‍ 10 പോയിന്‍റ് വ്യത്യാസത്തിലായിരുന്നു ഇന്ത്യയ്‌ക്ക് സ്വര്‍ണം നഷ്‌ടപ്പെട്ടത്.
ഒന്നാം സ്ഥാനം നേടിയ ചൈന 1896 പോയിന്‍റായിരുന്നു നേടിയത്. ഇന്ത്യന്‍ ത്രയത്തിന് 1886 പോയിന്‍റ് മാത്രമാണ് നേടാനായത്. മൂന്നാം സ്ഥാനത്ത് ഫിനിഷ് ചെയ്‌ത മംഗോളിയ 1880 പോയിന്‍റാണ് നേടിയത് (10M Air Riffle Team Event Result).
അതേസമയം, 10 മീറ്റര്‍ എയര്‍ റൈഫിള്‍ വ്യക്തിഗത (10M Air Riffle Individual Event) വിഭാഗത്തില്‍ ഇന്ത്യയുടെ രണ്ട് വനിത താരങ്ങള്‍ ഫൈനലിന് യോഗ്യത നേടി. റമിത, മെഹുലി ഘോഷ് എന്നിവരാണ് കലാശപ്പോരാട്ടത്തിന് യോഗ്യത ഉറപ്പിച്ചിരിക്കുന്നത്. ഇന്ന് (സെപ്‌റ്റംബര്‍ 24) നടന്ന യോഗ്യത റൗണ്ടില്‍ റമിത രണ്ടാം സ്ഥാനത്തും മെഹുലി അഞ്ചാം സ്ഥാനത്തുമാണ് ഫിനിഷ് ചെയ്‌തത്.
Read More : First Medal For India In Asian Games 2023: ആദ്യം 'വെള്ളി', ഹാങ്‌ചോയില്‍ മെഡല്‍വേട്ട തുടങ്ങി ഇന്ത്യ
