ലണ്ടൻ: മാഞ്ചസ്റ്റർ യൂണൈറ്റഡ് താരം ക്രിസ്റ്റ്യാനോ റൊണാൾഡോയുടെ ആണ്‍കുഞ്ഞ് മരിച്ചു. ഇരട്ടക്കുട്ടികളിലെ കുഞ്ഞ്, പ്രസവത്തിനിടെയാണ് മരിച്ചത്. ആണ്‍കുട്ടിയുടെ മരണത്തിനൊപ്പം ഭാര്യ ജോർജിന റോഡ്രിഗസ് ഒരു പെൺകുട്ടിക്ക് ജന്മം നൽകിയതായും ക്രിസ്റ്റ്യാനോ ഔദ്യോഗിക ട്വിറ്റർ അക്കൗണ്ടിലൂടെ അറിയിച്ചു.
- — Cristiano Ronaldo (@Cristiano) April 18, 2022 " class="align-text-top noRightClick twitterSection" data="
— Cristiano Ronaldo (@Cristiano) April 18, 2022
">— Cristiano Ronaldo (@Cristiano) April 18, 2022
''ഞങ്ങളുടെ മകൻ മരിച്ചവിവരം അഗാധമായ ദുഃഖത്തോടെ അറിയിക്കുന്നു. ഏതൊരു മാതാപിതാക്കൾക്കും ഏറ്റവും വലിയ വേദന ഉണ്ടാക്കുന്നതാണിത്. ഞങ്ങളുടെ പെൺകുട്ടിയുടെ ജനനമാണ് ഈ നിമിഷത്തിൽ ജീവിക്കാനുള്ള ശക്തി പകരുന്നത്. ഡോക്‌ടർമാരോടും നഴ്‌സുമാരോടും അവരുടെ സേവനത്തിനും കരുതലിനുമുള്ള നന്ദി അറിയിക്കുന്നു.
ഈ നഷ്‌ടത്തിൽ ഞങ്ങളെല്ലാവരും തകർന്നിരിക്കുകയാണ്. പ്രയാസമേറിയ ഈ സമയത്ത് ഞങ്ങള്‍ നിങ്ങളോട് സ്വകാര്യത ആവശ്യപ്പെടുന്നു. പ്രിയപ്പെട്ട മകനേ, നീ ഞങ്ങളുടെ മാലാഖയായിരുന്നു. ഞങ്ങൾ എപ്പോഴും നിന്നോടൊപ്പമുണ്ട്'' - ക്രിസ്റ്റ്യാനോ ഇങ്ങനെ ട്വീറ്റ് ചെയ്‌തു.
