ബ്രസീലിയ: കോപ്പ അമേരിക്ക ഫൈനലിന്‍റെ കണക്ക് തീര്‍ക്കാന്‍ ബ്രസീല്‍ വരുന്നു. അടുത്ത മാസം ആറിനാണ് അര്‍ജന്‍റീന ബ്രസീല്‍ പോരാട്ടം. ലോകകപ്പ് യോഗ്യത റൗണ്ടില്‍ ബ്രസീലിന്‍റെ സ്വന്തം മണ്ണിലാണ് ചിരവൈരികളായ ഇരു സംഘവും വീണ്ടും ഏറ്റുമുട്ടുന്നത്. നവംബര്‍ 16ന് അര്‍ജന്‍റീനയില്‍ നടക്കുന്ന മത്സരത്തിലും ഇരു രാജ്യങ്ങളും നേർക്കു നേർ വരും.
അടുത്ത മാസം നടക്കുന്ന മറ്റ് മത്സരങ്ങളില്‍ ബ്രസീലിന് പുറമെ വെനസ്വലേയും (സെപ്റ്റംബർ-2) ബൊളീവിയ (സെപ്റ്റംബർ-9)യുമാണ് അര്‍ജന്‍റീനയുടെ എതിരാളികൾ. സെപ്റ്റംബർ മൂന്നിന് ചിലിക്കും 10ന് പെറുവിനുമെതിരെയാണ് ബ്രസീലിന് മത്സരമുള്ളത്.
also read: മെസി പിഎസ്‌ജിയിലേക്ക്; കരാർ രണ്ട് വര്‍ഷത്തേക്ക്
അതേസമയം ലാറ്റിനമേരിക്കയുടെ ആദ്യ റൗണ്ട് മത്സരങ്ങള്‍ പൂര്‍ത്തിയായപ്പോള്‍ 18 പോയിന്‍റുള്ള ബ്രസീലാണ് ഒന്നാമതുള്ളത്. 12 പോയിന്‍റുള്ള അർജന്‍റീന രണ്ടാം സ്ഥാനത്താണ്. ഒമ്പത് പോയിന്‍റുള്ള ഇക്വഡോറാണ് മൂന്നാം സ്ഥാനത്ത്.
