മാഡ്രിഡ്: ചാമ്പ്യൻസ് ലീഗിലെ വമ്പൻ തോല്‍വി നല്‍കിയ പാഠങ്ങൾ പഠിച്ചു തീർക്കുകയാണ് സ്‌പാനിഷ് വമ്പൻമാരായ ബാഴ്‌സലോണ. പരിശീലകൻ കിക്കെ സെറ്റിയനെ പുറത്താക്കിയ ബാഴ്‌സ പുതിയ പരിശീലകനായി വല വിരിച്ചു. ആ വലയിലേക്ക് ആദ്യ പരിഗണനക്കാരനായ ഹോളണ്ട് ദേശീയ ടീമിന്‍റെ പരിശീലകൻ റൊണാൾഡ് കോമാൻ എത്തുകയാണ്. കോമാൻ ഇന്ന് ബാഴ്‌സലോണയിലെത്തി.
-
❗ [LATEST NEWS]
— FC Barcelona (@FCBarcelona) August 18, 2020 " class="align-text-top noRightClick twitterSection" data="
Agreement for the ending of Éric Abidal's contract
">❗ [LATEST NEWS]
— FC Barcelona (@FCBarcelona) August 18, 2020
Agreement for the ending of Éric Abidal's contract❗ [LATEST NEWS]
— FC Barcelona (@FCBarcelona) August 18, 2020
Agreement for the ending of Éric Abidal's contract
അൻപത്തേഴുകാരനായ കോമാൻ ബാഴ്‌സ മാനേജ്‌മെന്‍റുമായുള്ള ചർച്ചകൾക്കായി എല്‍ പ്രാറ്റ് വിമാനത്താവളത്തില്‍ എത്തിയ വിവരം സ്‌പാനിഷ് മാധ്യമങ്ങൾ റിപ്പോർട്ട് ചെയ്തു. 1989 മുതല്‍ 1995 വരെ ബാഴ്‌സയുടെ താരമായിരുന്ന കോമാൻ നാല് തവണ ലാലിഗ കിരീടവും 1992ല്‍ യൂറോപ്യൻ കപ്പും ബാഴ്‌സയ്ക്ക് വേണ്ടി സ്വന്തമാക്കിയിട്ടുണ്ട്. 1998ലും 2000ത്തിലും ക്ലബിന്‍റെ അസിസ്റ്റന്‍റ് കോച്ചായിരുന്നു കോമാൻ. അതിനു ശേഷം അയാക്‌സ്, ബെനിഫിക്ക, പിഎസ്‌വി ഐന്തോവൻ, സതാംപ്‌ടൺ, എവർട്ടൺ എന്നീ ടീമുകളെ പരിശീലിപ്പിച്ചു.
അതേസമയം, ബാഴ്‌സയില്‍ അഴിച്ചു പണി തുടരുകയാണ്. സ്പോർട്ടിങ് ഡയറക്ടർ എറിക് അബിദാലിനെ ബാഴ്‌സ പുറത്താക്കി. ടീമിന്‍റെ ദയനീയ പ്രകടനത്തില്‍ അബിദാലിനും നിർണായക പങ്കുണ്ടെന്നാണ് മാനേജ്‌മെന്‍റ് വിലയിരുത്തല്‍. 2018ലാണ് ബാഴ്‌സ മുൻ താരം കൂടിയായ അബിദാല്‍ ടീമിന്‍റെ സ്പോർട്ടിങ് ഡയറക്ടറായി ചുമതലയേല്‍ക്കുന്നത്.
അബിദാല്‍ ടീമിലെത്തിച്ച മിക്ക താരങ്ങളും വൻ സാമ്പത്തിക ബാധ്യതയുണ്ടാക്കിയെന്നാണ് വിലയിരുത്തല്‍. അബിലാദിന് എതിരെ ലയണല്‍ മെസി അടക്കമുള്ളവർ രംഗത്ത് എത്തിയിരുന്നു. റൊണാൾഡ് കോമാൻ പരിശീലകനായി എത്തുന്നതോടെ ബ്രസീല്‍ സൂപ്പർ താരം നെയ്‌മർ തിരികെ ബാഴ്‌സലോണയില്‍ എത്തുമെന്നാണ് പ്രതീക്ഷിച്ചിരുന്നത്. എന്നാല്‍ നെയ്‌മറെ വിട്ടുനല്‍കാൻ തയ്യാറല്ലെന്ന് പാരീസ് സെയ്‌ന്‍റ് ജർമൻ വ്യക്തമാക്കി. നെയ്‌മർ മാത്രമല്ല, കെലിയൻ എംബാപ്പെയും ടീം വിടില്ലെന്നാണ് പിഎസ്‌ജി മാനേജ്‌മെന്‍റ് പറയുന്നത്.
