അറുപത്തിയേഴാമത് ബി എ മാലിക് ഓൾ ഇന്ത്യ പൊലീസ് ഫുട്ബോൾ ടീമിൽ ഫൈനലിൽ നിലവിലെ ചാമ്പ്യന്മാരായ ബിഎസ്എഫ്- സിആർപിഎഫ്മായി ഏറ്റുമുട്ടും. നാളെ വൈകിട്ട് മലപ്പുറം കോട്ടപ്പടി മൈതാനത്താണ് ഇരുടീമുകളും ഏറ്റുമുട്ടുന്നത്.
കഴിഞ്ഞ ദിവസം നടന്ന കളിയിൽ കേരള പൊലീസിനെ ഒരു ഗോളിന് തോൽപ്പിച്ചാണ് സിആർപിഎഫ് ഫൈനലിലെത്തിയത്. കളിയുടെ പതിമൂന്നാം മിനിറ്റിൽ സിആർപിഎഫ് ലെ ഇന്ദ്രജിത്താണ് കേരള പൊലീസിനെ കണ്ണീരിലാഴ്ത്തിയ വിജയഗോൾ നേടിയത്. പ്രതിരോധ നിരയിലെ ആശയക്കുഴപ്പം മൂലം ലഭിച്ച ലൂസ് ഗോളിലൂടെയാണ് സിആർപിഎഫ് ഗോൾ നേടിയത്. ആദ്യ പകുതിയിൽ തന്നെ ഗോൾ വീണതോടെ കേരള പൊലീസ് ടീമിന്‍റെ വീര്യം ചോർന്നു .
ഇന്നലെ നടന്ന ആദ്യ കളിയിൽ പഞ്ചാബിനെ തോൽപ്പിച്ചാണ് ബിഎസ്എഫ് ഫൈനലിലെത്തിയത് 37 മിനിറ്റിൽ അവിനാഷ് ഡാപ്പ നേടിയ ഗോളിലാണ് നിലവിലെ റണ്ണർ അപ്പായ പഞ്ചാബ് പൊലീസ് മുട്ടുകുത്തിയത്.
