ലണ്ടന്‍: പോര്‍ച്ചുഗീസ് ഫോര്‍വേഡ് ഡിയേഗോ ജോട്ട സീസണില്‍ ലിവര്‍പൂളിന് വേണ്ടി ബൂട്ടുകെട്ടില്ല. പരിക്ക് കാരണം ലീഗിലെ ശേഷിക്കുന്ന മത്സരങ്ങളില്‍ ജോട്ട കളിക്കില്ലെന്ന് ലിവര്‍പൂള്‍ വ്യക്തമാക്കി. പരിക്കിനെ തുടര്‍ന്ന് വെസ്റ്റ് ബ്രോമിനെതിരായ മത്സരം ഉള്‍പ്പെടെ ജോട്ടക്ക് നഷ്‌ടമായി.
കഴിഞ്ഞ ദിവസം ഓള്‍ഡ് ട്രാഫോഡില്‍ മാഞ്ചസ്റ്റര്‍ യുണൈറ്റഡിനെതിരായ പ്രീമിയര്‍ ലീഗ് പോരാട്ടത്തിലാണ് ജോട്ടക്ക് പരിക്കേറ്റത്. പ്രീമിയര്‍ ലീഗില്‍ ലിവര്‍പൂളിന് ശേഷിക്കുന്ന മൂന്ന് മത്സരങ്ങള്‍ നിര്‍ണായകമാണ്. മത്സരങ്ങളില്‍ ജയിച്ചാലെ ലിവര്‍പൂളിന് ഈ സീസണില്‍ ലീഗിലെ പോയിന്‍റ് പട്ടകയില്‍ ആദ്യ നാലില്‍ സ്ഥാനംപിടിക്കാനാകൂ.
നിലവില്‍ 35 മത്സരങ്ങളില്‍ നിന്നും 60 പോയിന്‍റുള്ള ലിവര്‍പൂള്‍ പട്ടികയില്‍ അഞ്ചാമതാണ്. ചെല്‍സിയും ലെസ്റ്റര്‍ സിറ്റിയും മൂന്നും നാലും സ്ഥാനങ്ങളിലും മാഞ്ചസ്റ്റര്‍ യുണൈറ്റഡ് രണ്ടാമതുമാണ്. ലീഗിലെ ഈ സീസണില്‍ കപ്പടിച്ച മാഞ്ചസ്റ്റര്‍ സിറ്റിക്ക് 83 പോയിന്‍റാണുള്ളത്.
കൂടുതല്‍ വായനക്ക് : പരിശീലക വേഷത്തില്‍ പഴയ പ്രഭാവമില്ല; സിദാന്‍ വീണ്ടും റയലിന്‍റെ പടിയിറങ്ങുന്നു
കൂടുതല്‍ വായനക്ക് : കാത്തിരിപ്പ് സഫലമായി; ഒടുവില്‍ ലെസ്റ്റര്‍ എഫ്‌എ കപ്പില്‍ മുത്തമിട്ടു
