ട്രിനിഡാഡ്: ഇന്ത്യയ്‌ക്കായി അരങ്ങേറ്റം നടത്തി ഏറെക്കാലമായിട്ടും ദേശീയ ടീമില്‍ സ്ഥിരക്കാരനാവാന്‍ മലയാളി വിക്കറ്റ് കീപ്പര്‍ ബാറ്റര്‍ സഞ്ജു സാംസണ് (Sanju Samson) കഴിഞ്ഞിട്ടില്ല. ഏകദിനത്തില്‍ ലഭിച്ച കുറഞ്ഞ അവസരങ്ങളില്‍ മികച്ച റെക്കോഡുണ്ടെങ്കിലും സെലക്‌ടര്‍മാരുടെ തുടര്‍ച്ചയായ അവഗണനയാണ് സഞ്ജു സാംസണ് നേരിടേണ്ടി വന്നത്. ഇതിനെതിരെ ആരാധകരുടെയും വിദഗ്‌ധരുടേയും കനത്ത വിമര്‍ശനങ്ങളും ഉയരാറുണ്ട്.
-
Short. Sweet. Samson.
— FanCode (@FanCode) August 1, 2023 " class="align-text-top noRightClick twitterSection" data="
.
.#INDvWIAdFreeonFanCode #WIvIND pic.twitter.com/re7tjiKMPN
">Short. Sweet. Samson.
— FanCode (@FanCode) August 1, 2023
.
.#INDvWIAdFreeonFanCode #WIvIND pic.twitter.com/re7tjiKMPNShort. Sweet. Samson.
— FanCode (@FanCode) August 1, 2023
.
.#INDvWIAdFreeonFanCode #WIvIND pic.twitter.com/re7tjiKMPN
ഇതിന്‍റെയൊക്കെ ഫലമായാണ് വെസ്റ്റ് ഇന്‍ഡീസിനെതിരായ ഏകദിന പരമ്പരയ്‌ക്കുള്ള ടീമിലേക്ക് സഞ്‌ജുവിന് വിളിയെത്തിയത്. ആദ്യ ഏകദിനത്തില്‍ പുറത്തിരുത്തപ്പെട്ട സഞ്‌ജുവിന് രണ്ടാം മത്സരത്തില്‍ അവസരം ലഭിച്ചിരുന്നു. എന്നാല്‍ നിറം മങ്ങിയ താരം നിരാശപ്പെടുത്തി.
മൂന്നാം ഏകദിനത്തിലാവട്ടെ പ്രതീക്ഷയ്‌ക്കൊത്ത് ഉയര്‍ന്ന 28-കാരന്‍ അര്‍ധ സെഞ്ചുറി നേടിയാണ് വിമര്‍ശകരുടെ വായടപ്പിച്ചത്. 41 പന്തുകളില്‍ നിന്ന് 51 റണ്‍സായിരുന്ന സഞ്ജു അടിച്ച് കൂട്ടിയത്. രണ്ട് ഫോറുകളും നാല് സിക്‌സുകളും ഉള്‍പ്പെടുന്നതായിരുന്നു സഞ്‌ജുവിന്‍റെ ഇന്നിങ്സ്.
ഇതിന് പിന്നാലെ ഇന്ത്യന്‍ ക്രിക്കറ്റ് താരമായി കളിക്കുക എന്നത് വെല്ലുവിളി നിറഞ്ഞതാണെന്ന് പ്രതികരിച്ചിരിക്കുകയാണ് സഞ്ജു സാംസണ്. "ഒരു ഇന്ത്യൻ ക്രിക്കറ്ററാവുകയെന്നത് വെല്ലുവിളി നിറഞ്ഞതാണ്. കഴിഞ്ഞ 8-9 വർഷമായി ഞാൻ ആഭ്യന്തര തലത്തിലും അന്താരാഷ്‌ട്ര തലത്തിലും ഞാന്‍ ക്രിക്കറ്റ് കളിക്കുന്നുണ്ട്.
വ്യത്യസ്ത പൊസിഷനുകളിൽ കളിക്കുന്നതിനെക്കുറിച്ച് ഇതെനിക്ക് കുറച്ച് ധാരണകള്‍ നല്‍കിയിട്ടുണ്ട്. ഏത് പൊസിഷനില്‍ കളിക്കാനിറങ്ങുന്നു എന്നതില്‍ അല്ല, എത്ര ഓവര്‍ ബാക്കിയുണ്ട് എന്നതിനെ അടിസ്ഥാനമാക്കിയാണ് കളിക്കേണ്ടത്. മിഡില്‍ ഓര്‍ഡറില്‍ കുറച്ച് സമയം ചെലവഴിച്ച് രാജ്യത്തിനായി കുറച്ച് റണ്‍സ് നേടാന്‍ കഴിഞ്ഞതില്‍ സന്തോഷമുണ്ട്.
വ്യത്യസ്ത കളിക്കാര്‍ക്കെതിരെ എനിക്ക് വ്യത്യസ്ത പദ്ധതികളുണ്ട്. മികച്ച ഫുട്‌വര്‍ക്കോടെ ബോളര്‍മാരുടെ ലെങ്ത്തില്‍ ആധിപത്യം സ്ഥാപിക്കാനാണ് ഞാന്‍ ആഗ്രഹിക്കുന്നത്"- സഞ്ജു സാംസണ് പറഞ്ഞു.
മത്സരത്തില്‍ സഞ്ജു സാംസണ് അടക്കമുള്ള താരങ്ങളുടെ മികവില്‍ ഇന്ത്യ 200 റണ്‍സിന്‍റെ കൂറ്റന്‍ വിജയം നേടിയിരുന്നു. സഞ്‌ജുവിനെക്കൂടാതെ ഇഷാന്‍ കിഷന്‍ (64 പന്തുകളില്‍ 77), ശുഭ്‌മാന്‍ ഗില്‍ (92 പന്തുകളില്‍ 85), ഹാര്‍ദിക് പാണ്ഡ്യ (52 പന്തുകളില്‍ 70*) എന്നിവരും അര്‍ധ സെഞ്ചുറി നേടിയതോടെ നിശ്ചിത 50 ഓവറില്‍ അഞ്ച് വിക്കറ്റ് നഷ്‌ടത്തില്‍ 351 റണ്‍സ് എന്ന കൂറ്റന്‍ സ്‌കോറാണ് ആദ്യം ബാറ്റ് ചെയ്യാന്‍ ഇറങ്ങിയ ഇന്ത്യ അടിച്ച് കൂട്ടിയത്.
മറുപടിക്കിറങ്ങിയ വെസ്റ്റ് ഇൻഡീസ് 151 റണ്‍സിന് ഓൾഔട്ട് ആവുകയായിരുന്നു. നാല് വിക്കറ്റ് വീഴ്‌ത്തിയ ശാർദുൽ താക്കൂറും മൂന്ന് വിക്കറ്റ് നേടിയ മുകേഷ്‌ കുമാറും ചേർന്നാണ് ആതിഥേയരെ എറിഞ്ഞൊതുക്കിയത്. 34 പന്തില്‍ 39 റണ്‍സ് നേടി പുറത്താവാതെ നിന്ന ഗുഡകേഷ് മോട്ടിയാണ് വിന്‍ഡീസിന്‍റ ടോപ് സ്‌കോറര്‍.
മറ്റ് മൂന്ന് താരങ്ങള്‍ മാത്രമാണ് വിന്‍ഡീസ് നിരയില്‍ രണ്ടക്കം തൊട്ടത്. വിജയത്തോടെ മൂന്ന് മത്സര പരമ്പര 2-1ന് ഇന്ത്യ സ്വന്തമാക്കി. ആദ്യ എകദിനത്തില്‍ ഇന്ത്യ അഞ്ച് വിക്കറ്റിന് വിജയിച്ചപ്പോള്‍ രണ്ടാം മത്സരം ആറ്‌ വിക്കറ്റിന് പിടിച്ച് ആതിഥേയര്‍ ഒപ്പമെത്തിയിരുന്നു. ഇതോടെയാണ് മൂന്നാം ഏകദിനത്തിലെ വിജയം പരമ്പര വിജയികളെ നിര്‍ണയിച്ചത്.
