അബുദബി : ടി20 ലോകകപ്പിലെ സൂപ്പര്‍ 12 പോരാട്ടത്തില്‍ നമീബിയക്കെതിരെ ടോസ് നേടിയ പാകിസ്ഥാന്‍ ബാറ്റിങ് തിരഞ്ഞെടുത്തു. മൂന്ന് ജയങ്ങളുമായി ഗ്രൂപ്പില്‍ ഒന്നാം സ്ഥാനത്തുള്ള പാക്കിസ്ഥാന് ഇന്ന് ജയിച്ചാല്‍ സെമിയില്‍ സ്ഥാനം ഉറപ്പിക്കാം.
അതേസമയം യോഗ്യതാറൗണ്ട് കടന്നുവന്ന നമീബിയ രണ്ടുമത്സരങ്ങളില്‍ നിന്ന് ഒരു ജയവുമായി ഗ്രൂപ്പില്‍ നാലാം സ്ഥാനത്താണ്. സൂപ്പര്‍ 12-ലെ ആദ്യ മത്സരത്തില്‍ സ്‌കോട്‌ലന്‍ഡിനെ തോല്‍പ്പിച്ച സംഘം അഫ്‌ഗാനിസ്ഥാനോട് തോല്‍വി വഴങ്ങിയിരുന്നു.
മുന്‍ മത്സരങ്ങളിലെ ടീമില്‍ മാറ്റങ്ങളൊന്നും വരുത്താതെയാണ് പാക്കിസ്ഥാന് ഇറങ്ങുന്നത്. മറുവശത്ത് നമീബിയ രണ്ട് മാറ്റങ്ങള്‍ വരുത്തി. പിക്കി യാ ഫ്രാന്‍സിനും ബെര്‍ണാഡ് സ്കോള്‍ട്‌സിനും പകരം സ്റ്റീഫന്‍ ബാര്‍ഡും ബെന്‍ ഷിക്കിംഗോയും ടീമില്‍ ഇടം പിടിച്ചു.
ഇന്ത്യ, ന്യൂസിലാന്‍ഡ്, അഫ്‌ഗാനിസ്ഥാന്‍ എന്നീ ടീമുകളെ കീഴടക്കി കുതിപ്പ് തുടരുന്ന പാക് പടയെ എങ്ങനെയാവും നമീബിയ നേരിടുകയെന്നാണ് അരാധകര്‍ ഉറ്റുനോക്കുന്നത്.
