ലണ്ടൻ : രാജ്യാന്തര ക്രിക്കറ്റില്‍ 15 വര്‍ഷം പൂര്‍ത്തിയാക്കുന്നതിന്‍റെ സന്തോഷം പങ്കുവച്ച് ഇന്ത്യന്‍ നായകൻ രോഹിത് ശര്‍മ. 2007 ജൂണ്‍ 23-ന് അയര്‍ലന്‍ഡിനെതിരേ ബെല്‍ഫാസ്റ്റിലെ സിവില്‍ സര്‍വീസ് ക്രിക്കറ്റ് ക്ലബ് മൈതാനത്ത് നിന്നാരംഭിച്ച ആ കരിയര്‍ ഇന്ന് 15 വര്‍ഷത്തിലെത്തി നില്‍ക്കുകയാണ്.
ഈ നീണ്ട യാത്രയില്‍ തനിക്കൊപ്പമുണ്ടായിരുന്നവര്‍ക്കെല്ലാം നന്ദിയറിയിച്ച് രോഹിത് സോഷ്യല്‍ മീഡിയയില്‍ ഒരു കുറിപ്പ് പോസ്റ്റ് ചെയ്‌തിട്ടുണ്ട്. തനിക്ക് ഏറ്റവും ഇഷ്‌ടപ്പെട്ട ജഴ്‌സിയില്‍ 15 വര്‍ഷം തികയ്ക്കുന്നു എന്നാണ് രോഹിത്തിന്‍റെ വാക്കുകള്‍.
-
𝟭𝟱 𝘆𝗲𝗮𝗿𝘀 in my favourite jersey 👕 pic.twitter.com/ctT3ZJzbPc
— Rohit Sharma (@ImRo45) June 23, 2022 " class="align-text-top noRightClick twitterSection" data="
">𝟭𝟱 𝘆𝗲𝗮𝗿𝘀 in my favourite jersey 👕 pic.twitter.com/ctT3ZJzbPc
— Rohit Sharma (@ImRo45) June 23, 2022𝟭𝟱 𝘆𝗲𝗮𝗿𝘀 in my favourite jersey 👕 pic.twitter.com/ctT3ZJzbPc
— Rohit Sharma (@ImRo45) June 23, 2022
'ഇന്ന് രാജ്യാന്തര ക്രിക്കറ്റില്‍ ഞാന്‍ 15 വര്‍ഷം പിന്നിടുകയാണ്. എന്തൊരു യാത്രയായിരുന്നു ഇത്. ജീവിതത്തിലുടനീളം ഞാനത് മനസില്‍ താലോലിക്കും. ഈ യാത്രയില്‍ എനിക്കൊപ്പം നിന്ന എല്ലാവര്‍ക്കും നന്ദി. പ്രത്യേകിച്ച് ഇന്നത്തെ ഞാനാവാന്‍ എന്നെ സഹായിച്ച എല്ലാവര്‍ക്കും, രോഹിത് പ്രസ്‌താവനയില്‍ പറയുന്നു.
എല്ലാ ക്രിക്കറ്റ് പ്രേമികളോടും ആരാധകരോടും വിമര്‍ശകരോടും, നിങ്ങളുടെ സ്‌നേഹവും പിന്തുണയുമാണ് ഈ പ്രതിബന്ധങ്ങളെല്ലാം അതിജീവിച്ച് വരാന്‍ ടീമിനെ പ്രാപ്‌തമാക്കുന്നത്, എല്ലാവര്‍ക്കും നന്ദി എന്നാണ് രോഹിത് പറയുന്നത്.
