കറാച്ചി: പാകിസ്ഥാന്‍ ക്രിക്കറ്റ് ബോര്‍ഡ് ചെയര്‍മാന്‍ റമീസ് രാജയുടെ ചില പ്രസ്‌താവനകള്‍ ഏറെ ചര്‍ച്ചയാവാറുണ്ട്. ഇപ്പോഴിതാ ഒരു ചാനല്‍ ചര്‍ച്ചയ്‌ക്കിടെ തന്‍റെ വാദത്തിന് ബലം നല്‍കാന്‍ ഇന്ത്യന്‍ താരം വിരാട് കോലിയെ ട്രോളാന്‍ ശ്രമിച്ച റമീസ് രാജയ്‌ക്ക് അവതാരക നല്‍കിയ മറുപടി സോഷ്യല്‍ മീഡിയയില്‍ വൈറലാവുകയാണ്.
-
Ramiz Raza tried to troll Virat Kohli but got brutally trolled by Pakistani Anchor#ramizraja #ViratKohli𓃵 @imVkohli #QudratKaNizaam
— Cricket Fan (@sangwancricket) October 5, 2022 " class="align-text-top noRightClick twitterSection" data="
Credits: Samaa Tv pic.twitter.com/KnlORsFoFL
">Ramiz Raza tried to troll Virat Kohli but got brutally trolled by Pakistani Anchor#ramizraja #ViratKohli𓃵 @imVkohli #QudratKaNizaam
— Cricket Fan (@sangwancricket) October 5, 2022
Credits: Samaa Tv pic.twitter.com/KnlORsFoFLRamiz Raza tried to troll Virat Kohli but got brutally trolled by Pakistani Anchor#ramizraja #ViratKohli𓃵 @imVkohli #QudratKaNizaam
— Cricket Fan (@sangwancricket) October 5, 2022
Credits: Samaa Tv pic.twitter.com/KnlORsFoFL
പാക് ക്രിക്കറ്റ് താരങ്ങളുടെ നേട്ടങ്ങള്‍ക്ക് രാജ്യത്തെ മാധ്യമങ്ങളും ആരാധകരും വേണ്ടത്ര പരിഗണന നല്‍കുന്നില്ലെന്നായിരുന്നു ചര്‍ച്ചയ്‌ക്കിടെ റമീസ് രാജ പറഞ്ഞത്. തന്‍റെ അഭിപ്രായം സമര്‍ഥിക്കുന്നതിനായി ഏഷ്യ കപ്പില്‍ അഫ്‌ഗാനെതിരെ വിരാട് കോലി നേടിയ സെഞ്ചുറിയെ റമീസ് രാജ ചര്‍ച്ചയിലേക്ക് വലിച്ചിഴയ്ക്കുകയായിരുന്നു.
കോലി തന്‍റെ 71-ാം സെഞ്ചുറി നേടിയപ്പോള്‍ ഇന്ത്യയിലെ മാധ്യമങ്ങളും ജനങ്ങളും അതാഘോഷമാക്കി. എന്നാല്‍ ഇംഗ്ലണ്ടിനെതിരെ ബാബര്‍ അസം സെഞ്ചുറി നേടിയപ്പോള്‍ പാകിസ്ഥാനിലെ സ്ഥിതി വ്യത്യസ്‌തമായിരുന്നു. കുറഞ്ഞ സ്‌ട്രൈക്ക് റേറ്റാണ് അവിടെ ചര്‍ച്ചയായത്. ഏഷ്യ കപ്പിന്‍റെ ഫൈനലില്‍ എത്താന്‍ കഴിഞ്ഞില്ലെങ്കിലും ടീം ഇന്ത്യയോടും കോലിയോടും ഇന്ത്യക്കാർ ചെയ്‌തതുപോലെ പാക് ടീമിന് രാജ്യത്തെ മാധ്യമങ്ങളും ആരാധകരും പിന്തുണ നൽകണമെന്നും റമീസ് രാജ പറഞ്ഞു.
മൂന്ന് വര്‍ഷങ്ങള്‍ക്ക് ശേഷമുള്ള കോലിയുടെ സെഞ്ചുറിയായതിനാലാണ് അതാഘോഷിക്കപ്പെട്ടതെന്നും മറിച്ചായിരുന്നുവെങ്കില്‍ ഇത്രയും പ്രധാന്യം ലഭിക്കില്ലെന്നും അവതാരകന്‍ റമീസ് രാജയ്‌ക്ക് മറുപടി നല്‍കി. ഇതോടെ സ്വരം കടുപ്പിച്ച റമീസ് രാജ തിരിച്ചടിക്കാന്‍ ശ്രമം നടത്തി. ഇതിനായി കോലിയുടെ സെഞ്ചുറിയെ താഴ്‌ത്തിക്കെട്ടാനാണ് റമീസ് രാജ ശ്രമം നടത്തിയത്.
എല്ലാം 'കുദ്രത് കാ നിസാം': അഫ്‌ഗാനിസ്ഥാന്‍ പോലെ ഒരു ചെറിയ ടീമിനോടാണ് കോലിയുടെ സെഞ്ചുറി. മത്സരത്തില്‍ നാല് തവണ കോലിക്ക് ജീവന്‍ ലഭിച്ചിരുന്നുവെന്നും പാക് ബോര്‍ഡ് ചെയര്‍മാന്‍ പറഞ്ഞു. ഇതിന് അവതാരക നല്‍കിയ മറുപടിയാവട്ടെ റമീസ് രാജയുടെ വായടപ്പിക്കുന്നതായിരുന്നു.
കോലിയുടെ ക്യാച്ച് അഫ്‌ഗാന്‍ താരങ്ങള്‍ നഷ്‌ടപ്പെടുത്തിയിട്ടുണ്ടെങ്കില്‍ അതിനെ 'കുദ്രത് കാ നിസാം' (പ്രകൃതി നിയമം) എന്ന് വിളിക്കുമെന്നായിരുന്നു അവതാരകയുടെ മറുപടി. ഈ വാക്ക് ഈ ദിവസങ്ങളിൽ വളരെ പ്രശസ്‌തമാണെന്നും അവതാരക കൂട്ടിച്ചേര്‍ത്തു.
ഈ മാസമാദ്യം നടന്ന ടി20 പരമ്പരയില്‍ ഇംഗ്ലണ്ടിനോട് തോല്‍വി വഴങ്ങിയതിന് പാകിസ്ഥാൻ മുഖ്യ പരിശീലകൻ സഖ്‌ലെയ്ൻ മുഷ്‌താഖ് ഉപയോഗിച്ച പദമാണിത്. ഇംഗ്ലണ്ടിനെതിരായ ഏഴ്‌ മത്സര പരമ്പര 4-3നാണ് പാകിസ്ഥാന്‍ കൈവിട്ടത്.
Also Read: 'നന്ദി കേശവ് മഹാരാജിന്'; ഇന്ത്യയുടെ വിജയത്തില്‍ പ്രോട്ടീസ് നായകനോട് കടപ്പെട്ട് ശിഖര്‍ ധവാന്‍
