ന്യൂഡല്‍ഹി: കൊവിഡിനെതിരായ പോരാട്ടത്തില്‍ ഇന്ത്യയിലെ ജനങ്ങളോട് ഒന്നിച്ച് അണിനിരക്കാനാവശ്യപ്പെട്ട് വെസ്റ്റിന്‍ഡീസ് ഓള്‍റൗണ്ടറും സണ്‍റെെസേഴ്സ് ഹെെദരാബാദ് താരവുമായ ജേസൺ ഹോൾഡർ. സീസണിലെ ഐപിഎല്‍ മത്സരങ്ങള്‍ മാറ്റിവച്ചതിലെ നിരാശയും താരം പ്രകടിപ്പിച്ചു. ഇന്‍സ്റ്റഗ്രാം പോസ്റ്റിലൂടെയാണ് ഹോള്‍ഡര്‍ ഇക്കാര്യം പറഞ്ഞത്.
read more: 'പ്രിയപ്പെട്ട ഇന്ത്യ ദുരിതത്തിലാണ്,സുരക്ഷിതരായിരിക്കുക' ; അഭ്യര്‍ഥനയുമായി ബട്‌ലര്‍
'ഐപിഎല്ലില്‍ കളിക്കുകയെന്നത് എന്നും ആവേശകരമാണ്. ടൂര്‍ണമെന്‍റ് മാറ്റിവച്ചതില്‍ നിരാശയുണ്ട്. കൊവിഡിനെതിരായ യുദ്ധം ഒരുമിച്ച് തുടരാൻ ഇന്ത്യയിലെ ജനങ്ങളോട് അഭ്യർഥിക്കുന്നു, ഒപ്പം നിങ്ങൾക്ക് എല്ലാവിധ ആശംസകളും നേരുന്നു'. ഇന്‍സ്റ്റഗ്രാം പോസ്റ്റിലൂടെ താരം പ്രതികരിച്ചു.
read more: 'വാക്സിന്‍ വെെറസിനെ തോല്‍പ്പിക്കാന്‍ സഹായിക്കും'; ആദ്യ ഡോസ് സ്വീകരിച്ച് ശിഖര്‍ ധവാന്‍
അതേസമയം കഴിഞ്ഞ ചൊവ്വാഴ്ചയാണ് 2021ലെ ഐപിഎൽ നീട്ടിവയ്ക്കാൻ ബിസിസിഐ തീരുമാനിച്ചത്. ടീമംഗങ്ങള്‍ക്കും സ്റ്റാഫുകള്‍ക്കും ഉള്‍പ്പെടെ കൊവിഡ് സ്ഥിരീകരിച്ചതിന്‍റെ അടിസ്ഥാനത്തില്‍ ഗവേണിങ് കൗൺസിലും (ജിസി) ബിസിസിഐയും നടത്തിയ അടിയന്തര യോഗത്തിലാണ് ഏകകണ്ഠമായി ഇതുസംബന്ധിച്ച തീരുമാനമുണ്ടായത്.
