പൂനെ: ഐപിഎല്ലില്‍ പഞ്ചാബ് കിങ്ങ്‌സിനെതിരായ മത്സരത്തിൽ വെടിക്കെട്ട് ബാറ്റിങ്ങുമായി ആരാധകരെ രസിപ്പിച്ചിരിക്കുകയാണ് ഡെവാള്‍ഡ് ബ്രെവിസ്. 'ബേബി ഡിവില്ലിയേഴ്‌സ്‌' എന്ന വിളിപ്പേരിലറിയപ്പെടുന്ന ദക്ഷിണാഫ്രിക്കൻ യുവതാരം എന്തുകൊണ്ടും ആ പേരിന് താൻ അർഹനാണെന്ന് അരക്കിട്ടുറപ്പിക്കുന്ന തരത്തിലായിരുന്നു ബാറ്റിങ്ങ്. തന്‍റെ ആരാധനാപാത്രവും നാട്ടുകാരനുമായ ഇതിഹാസ താരം എബി ഡിവില്ലിയേഴ്‌സിന്‍റെ പിന്‍ഗാമിയാവാന്‍ സാധിക്കുമെന്നും ഈ ഇന്നിങ്‌സിലൂടെ തെളിയിച്ചിരിയ്‌ക്കുകയാണ് യുവതാരം.
-
Unbelievable talent and skill!
— Ashmin Aryal (@AryalAshmin) April 14, 2022 " class="align-text-top noRightClick twitterSection" data="
Smash 112 meter six and he is just 18 years old. Remember the name Dewald Brevis.#IPL2022#MIvPBKSpic.twitter.com/zkKJqK8FrR
">Unbelievable talent and skill!
— Ashmin Aryal (@AryalAshmin) April 14, 2022
Smash 112 meter six and he is just 18 years old. Remember the name Dewald Brevis.#IPL2022#MIvPBKSpic.twitter.com/zkKJqK8FrRUnbelievable talent and skill!
— Ashmin Aryal (@AryalAshmin) April 14, 2022
Smash 112 meter six and he is just 18 years old. Remember the name Dewald Brevis.#IPL2022#MIvPBKSpic.twitter.com/zkKJqK8FrR
മുംബൈ ഇന്നിങ്‌സിലെ ഒന്‍പതാം ഓവറിലായിരുന്നു ബ്രെവിസിന്‍റെ ആറാട്ട്. രാഹുല്‍ ചാഹറിനായിരുന്നു തല്ലേറ്റുവാങ്ങാനുള്ള ദുര്യോഗം. 29 റണ്‍സാണ് ചാഹര്‍ ആ ഓവറില്‍ വഴങ്ങിയത്. ആദ്യ പന്തിൽ സിംഗിളെടുത്ത തിലക് സ്‌ട്രൈക്ക് ബ്രെവിസിന് കെെമാറി. പിന്നീടാണ് വെടിക്കെട്ടിന് തീരികൊളുത്തിയത്. തുടര്‍ച്ചയായ നാല് സിക്‌സറുകള്‍, അതിലൊന്ന് പതിച്ചത് 112 മീറ്റര്‍ ദൂരെ. ഈ സീസണിലെ ഏറ്റവും ദൂരമേറിയ സിക്‌സറായിരുന്നുവത്. ലിയാം ലിവിംഗ്‌സ്‌റ്റണിന്‍റെ 108 മീറ്ററാണ് താരത്തെ സാക്ഷിയാക്കി ബ്രെവിസ് മറികടന്നത്.
ALSO READ: IPL 2022 | പഞ്ചാബിന് മുന്നിലും മുട്ടുമടക്കി മുംബൈ; തുടർച്ചയായ 5–ാം മത്സരത്തിലും തോൽവി
എന്നാല്‍ ഒരു നിരാശയോടെയാണ് ഡെവാൾഡ് ബ്രെവിസ് തന്‍റെ വെടിക്കെട്ട് അവസാനിപ്പിച്ചത്. ഐപിഎല്ലില്‍ അര്‍ധ സെഞ്ചുറി നേടുന്ന പ്രായം കുറഞ്ഞ വിദേശ താരം എന്ന റെക്കോര്‍ഡ് താരത്തിന് തലനാരിഴയ്‌ക്ക് നഷ്‌ടമായി. മൂന്നാം നമ്പറില്‍ ഇറങ്ങിയ 18 കാരന്‍ 25 ബോളില്‍ അഞ്ചു സിക്‌സറുകളും നാലു ബൗണ്ടറികളുമടക്കം 49 റണ്‍സെടുത്ത് ടീമിന്‍റെ ടോപ്പ് സ്‌കോററായിട്ടാണ് പുറത്തായത്. അര്‍ഷ്‌ദീപിന്‍റെ പന്തില്‍ ഒഡീന്‍ സ്‌മിത്തിന്‍റെ ക്യാച്ചിലാണ് മടങ്ങിയത്.
ഡെവാൾഡ് ബ്രെവിസ് തിളങ്ങിയെങ്കിലും മത്സരത്തില്‍ മുംബൈ ഇന്ത്യന്‍സ് തോറ്റു. സീസണില്‍ മുംബൈയുടെ അഞ്ചാം തോല്‍വിയാണിത്. ആവേശപ്പോരിൽ പഞ്ചാബ് കിംഗ്‌സ് 12 റൺസിനാണ് മുംബൈയെ തോൽപ്പിച്ചത്. 198 റൺസ് പിന്തുടർന്ന മുംബൈക്ക് 20 ഓവറില്‍ 9 വിക്കറ്റിന് 186 റൺസെടുക്കാനെ കഴിഞ്ഞുള്ളൂ.
