ബെംഗളൂരു: ഏകദിന ലോകകപ്പ് സെമിയിലേക്ക് കടന്നുകൂടാനുള്ള ഓട്ടത്തില്‍ ന്യൂസിലന്‍ഡിനെ വീഴ്‌ത്തി മുന്നേറി പാകിസ്ഥാന്. പോയിന്‍റ് പട്ടികയിലെ ആദ്യ നാല്‌ സ്ഥാനങ്ങള്‍ക്കായുള്ള നിലവിലെ പോരാട്ടത്തില്‍ സര്‍വശക്തിയും സംഭരിച്ച് പൊരുതിയതും ഒപ്പം മഴയെത്തിയതുമാണ് പാകിസ്ഥാന് വിജയം അനായാസമാക്കിയത്.
നിശ്ചിത 50 ഓവറില്‍ ആറ് വിക്കറ്റ് നഷ്‌ടത്തില്‍ ന്യൂസിലന്‍ഡ് ഉയര്‍ത്തിയ 401 റണ്‍സ് എന്ന ഭീമന്‍ സ്‌കോര്‍ മറികടക്കാനെത്തിയ പാകിസ്ഥാനെ രണ്ട് തവണ മഴ തടസപ്പെടുത്തിയതോടെ, മത്സരം മഴ നിയമപ്രകാരം വെട്ടിച്ചുരുക്കുകയായിരുന്നു. ഈ സമയം മികച്ച സ്‌കോറിലായിരുന്ന പാകിസ്ഥാന് 21 റണ്‍സിന് വിജയിച്ചതായി അറിയിക്കുകയായിരുന്നു.
