ലണ്ടന്‍: മുന്‍ ഇംഗ്ലണ്ട് ക്രിക്കറ്റര്‍ ഗ്രഹാം തോർപ്പ് ഗുരുതരാവസ്ഥയില്‍ ആശുപത്രിയില്‍. പ്രൊഫഷണല്‍ ക്രിക്കറ്റേര്‍സ് അസോസിയേഷന്‍ വാര്‍ത്താക്കുറിപ്പിലൂടെയാണ് ക്രിക്കറ്റ് ലോകത്തെ ഇക്കാര്യം അറിയിച്ചത്. തോര്‍പ്പിന്‍റെ രോഗത്തെ കുറിച്ച് കൂടുതല്‍ വിവരങ്ങള്‍ പുറത്തുവരുന്നതേയുള്ളൂ.
'ഗ്രഹാം തോർപ്പ് ഗുരുതരമായ അസുഖം ബാധിച്ച് ആശുപത്രിയിൽ ചികിത്സയിലാണ്. അദ്ദേഹത്തിന്‍റെ രോഗനിർണയം ഈ ഘട്ടത്തിൽ വ്യക്തമല്ല, അയാളുടെ കുടുംബത്തിന്‍റെ ദുഃഖത്തിനൊപ്പം ചേരുന്നു. അവരുടെ സ്വകാര്യതയാണ് ഇപ്പോൾ പ്രധാനം. ഞങ്ങൾ എല്ലാം കുടുംബത്തിനൊപ്പമുണ്ട്.' പിസിഎ പ്രസ്‌താവനയിൽ പറയുന്നു.
-
All of our thoughts are with Graham Thorpe and his family. We’re with you, Thorpey 🙏 pic.twitter.com/PJkoRlR1X8
— England Cricket (@englandcricket) May 10, 2022 " class="align-text-top noRightClick twitterSection" data="
">All of our thoughts are with Graham Thorpe and his family. We’re with you, Thorpey 🙏 pic.twitter.com/PJkoRlR1X8
— England Cricket (@englandcricket) May 10, 2022All of our thoughts are with Graham Thorpe and his family. We’re with you, Thorpey 🙏 pic.twitter.com/PJkoRlR1X8
— England Cricket (@englandcricket) May 10, 2022
ആഷസ് തോല്‍വിക്ക് പിന്നാലെ ഇംഗ്ലീഷ് ബാറ്റിംഗ് പരിശീലക സ്ഥാനത്തുനിന്ന് പടിയിറങ്ങിയ ഗ്രഹാം തോർപ്പ് അടുത്തിടെ അഫ്‌ഗാനിസ്ഥാന്‍ ടീമിന്‍റെ കോച്ചായി നിയമിതനായിരുന്നു. ഇംഗ്ലണ്ടിനായി 1993-2005 കാലഘട്ടത്തിലായി 100 ടെസ്റ്റുകള്‍ ഗ്രഹാം തോർപ്പ് കളിച്ചിട്ടുണ്ട്. 16 ശതകങ്ങളും 39 അര്‍ധശതകങ്ങളും സഹിതം 44.66 ശരാശരിയില്‍ 6,744 റണ്‍സ് നേടി. 200 ആണ് ഉയര്‍ന്ന സ്‌കോര്‍. വിരമിക്കലിന് ശേഷം ന്യൂ സൗത്ത് വെയ്‌ല്‍സ്, സറേ ടീമുകളേയും പരിശീലിപ്പിച്ചു.
