ചെന്നൈ : തമിഴ്നാട് ക്രിക്കറ്റിലെ എക്കാലത്തേയും മികച്ച താരങ്ങളാണ് ദിനേഷ് കാര്‍ത്തിക്കും മുരളി വിജയ്‌യും. തമിഴ്‌നാടിനായി ഒന്നിച്ച് കളിച്ച് പിന്നീട് ഇന്ത്യന്‍ ടീമിലെത്തിയ ഇരുവരും സുഹൃത്തുക്കളുമായിരുന്നു. ഒരിടവേളയ്‌ക്ക് ശേഷം കാര്‍ത്തിക് ഇന്ത്യന്‍ ടീമിലേക്ക് മടങ്ങിയെത്തിയപ്പോള്‍, മുരളി വിജയ് തമിഴ്നാട് പ്രീമിയർ ലീഗ് (ടിപിഎല്‍) കളിക്കുകയാണിപ്പോള്‍.
കരിയര്‍ അവസാനിച്ചുവെന്ന് കരുതിയിടത്ത് നിന്നാണ് ഐപിഎല്ലിലെ മിന്നും പ്രകടനത്തോടെ കാര്‍ത്തിക് ഇന്ത്യന്‍ കുപ്പായത്തിലേക്ക് മടങ്ങിയെത്തിയത്. ടിപിഎല്ലില്‍ റൂബി ട്രിച്ചി വാറിയേഴ്‌സിന്‍റെ താരമാണ് മുരളി വിജയ്. ടിപിഎല്‍ മത്സരത്തിനിടെ കഴിഞ്ഞ ദിവസം നടന്ന ഒരു സംഭവത്തിന്‍റെ വീഡിയോയാണ് സമൂഹമാധ്യമങ്ങളില്‍ വൈറലാവുന്നത്.
-
#TNPL2022 DK DK DK ......
— Muthu (@muthu_offl) July 7, 2022 " class="align-text-top noRightClick twitterSection" data="
Murali Vijay reaction pic.twitter.com/wK8ZJ84351
">#TNPL2022 DK DK DK ......
— Muthu (@muthu_offl) July 7, 2022
Murali Vijay reaction pic.twitter.com/wK8ZJ84351#TNPL2022 DK DK DK ......
— Muthu (@muthu_offl) July 7, 2022
Murali Vijay reaction pic.twitter.com/wK8ZJ84351
വിജയുടെ ടീമും നെല്ലായ് റോയല്‍ കിങ്‌സും തമ്മിലുള്ള മത്സരത്തിനിടെയാണ് സംഭവം നടന്നത്. മുരളി വിജയ് ബൗണ്ടറി ലൈനിനിടെ ഫീല്‍ഡ് ചെയ്യവെ ആരാധകര്‍ ദിനേഷ് കാര്‍ത്തിക്കിന് വേണ്ടി മുദ്രാവാക്യം വിളിക്കുകയായിരുന്നു. ഗ്യാലറിയില്‍ നിന്നും ‘ഡികെ, ഡികെ’ എന്ന വിളി ഉയര്‍ന്നപ്പോള്‍ ആരാധകർക്കുനേരെ കൈകൂപ്പുന്ന വിജയ്‌യെ വീഡിയോയിൽ കാണാം.
ദിനേഷ് കാർത്തിക്കിന്‍റെ മുൻ ഭാര്യ നികിത വൻജാരയെയാണ് മുരളി വിജയ് വിവാഹം ചെയ്തത്. മുരളിയുമായുള്ള നികിതയുടെ അടുപ്പം പിന്നീട് വിവാഹത്തിലെത്തുകയായിരുന്നു. അതേസമയം 2015ല്‍ മലയാളി സ്ക്വാഷ് താരം ദീപിക പള്ളിക്കലിനെ കാര്‍ത്തിക് പിന്നീട് വിവാഹം ചെയ്‌തിരുന്നു.
