സഞ്ജു സാംസണ്‍ മികച്ച ബാറ്റ്സ്‌മാൻ, സ്ഥിരതയില്ലായ്‌മയാണ് പ്രശ്‌നം; അജിത് അഗാർക്കർ

സഞ്ജു ഇപ്പോൾ യുവതാരമല്ല സീനിയർ പ്ലെയറാണ്. അതിനാൽ സ്ഥിരതയോടെ കളിക്കേണ്ടത് അത്യാവശ്യമാണെന്നും മുൻ ഇന്ത്യൻ താരം അഗാർക്കർ പറഞ്ഞു.

ഹൈദരാബാദ്: ഇന്ത്യൻ ടീമിൽ സ്ഥിര സാന്നിധ്യമാകണമെങ്കിൽ ഹാർഡ് ഹിറ്റിങ് ബാറ്റ്സ്മാൻ സഞ്ജു സാംസണ്‍ കളിക്കളത്തിൽ സ്ഥിരത പുലർത്തണമെന്ന് മുൻ ഇന്ത്യൻ പേസ് ബൗളർ അജിത് അഗാർക്കർ. ജൂലൈ 18 ന് ആരംഭിക്കുന്ന ഇന്ത്യ- ശ്രീലങ്ക പരമ്പരക്ക് മുന്നോടിയായാണ് അഗാർക്കർ ഇ.ടി.വി ഭാരതുമായി സംസാരിച്ചത്.

സഞ്ജു യുവതാരമല്ല, സീനിയർ ..

നമുക്കറിയാം സഞ്ജു സാംസണ്‍ ഏറെ കഴിവുകളുള്ള ഒരു ബാറ്റ്സ്മാനാണ്. പുതുമുഖ താരമായിരുന്നെങ്കിൽ അയാൾക്ക് കുറച്ചുകൂടെ അവസരങ്ങൾ ലഭിക്കുമായിരുന്നു. എന്നാൽ അദ്ദേഹം ഇപ്പോൾ ഒരു യുവതാരമല്ല, സീനിയർ പ്ലെയറാണ്. അതിനാൽ ഇനി സ്ഥിരത പുലർത്തേണ്ടത് അത്യാവശ്യമാണ്, അഗാർക്കർ പറഞ്ഞു.

ടി-ട്വന്‍റിയിൽ സ്ഥിരത പുലർത്തുക എന്നത് പ്രയാസമേറിയ കാര്യമാണ്. എന്നിരുന്നാൽ പോലും ടീമിൽ സ്ഥാനമുറപ്പിക്കാൻ ഇപ്പോൾ വലിയ രീതിയിലുള്ള മൽസരമാണ് നടക്കുന്നത്. സഞ്ജുവിനെക്കാളും സ്ഥിരതയുള്ള ധാരാളം കളിക്കാരും ഇപ്പോൾ നിലവിലുണ്ട്. അതിനാൽ സഞ്ജുവിന് അവസരം ലഭിക്കാനുള്ള സാധ്യതകൾ കുറയും.

• 📸 📸: A good day in the field as #TeamIndia play their 2⃣nd intra-squad game in Colombo 👌 👌#SLvIND pic.twitter.com/Fiyk8poKXw

  — BCCI (@BCCI) July 7, 2021 " class="align-text-top noRightClick twitterSection" data="

  📸 📸: A good day in the field as #TeamIndia play their 2⃣nd intra-squad game in Colombo 👌 👌#SLvIND pic.twitter.com/Fiyk8poKXw

  — BCCI (@BCCI) July 7, 2021

  ">

  📸 📸: A good day in the field as #TeamIndia play their 2⃣nd intra-squad game in Colombo 👌 👌#SLvIND pic.twitter.com/Fiyk8poKXw

  — BCCI (@BCCI) July 7, 2021

എന്നാൽ സ്ഥിരതയാർന്ന പ്രകടനം നടത്തുന്നുണ്ടെങ്കിൽ അവസരങ്ങൾ വളരെ കുറവാണെങ്കിൽ പോലും ടീമിൽ സ്ഥാനമുറപ്പിക്കാൻ സഞ്ജുവിന് കഴിയും എന്ന് ഉറപ്പാണ്. അത്രക്ക് കഴിവുള്ള ബാറ്റ്സ്മാനാണ് അദ്ദേഹം, അഗാർക്കർ കൂട്ടിച്ചേർത്തു.

• Prep & More Prep 🤜🤛
  Batting 🔥
  Bowling 💪
  Fielding ⚡️#TeamIndia in the groove for the Sri Lanka series 👌 👍 #SLvIND pic.twitter.com/JBoyrlx8l1

  — BCCI (@BCCI) July 12, 2021 " class="align-text-top noRightClick twitterSection" data="

  Prep & More Prep 🤜🤛
  Batting 🔥
  Bowling 💪
  Fielding ⚡️#TeamIndia in the groove for the Sri Lanka series 👌 👍 #SLvIND pic.twitter.com/JBoyrlx8l1

  — BCCI (@BCCI) July 12, 2021

  ">

  Prep & More Prep 🤜🤛
  Batting 🔥
  Bowling 💪
  Fielding ⚡️#TeamIndia in the groove for the Sri Lanka series 👌 👍 #SLvIND pic.twitter.com/JBoyrlx8l1

  — BCCI (@BCCI) July 12, 2021

സ്ഥിരത മുഖ്യം...

മുൻപും നിരവധി താരങ്ങൾ സഞ്ജുവിന്‍റെ ബാറ്റിങ് സ്ഥിരതയിലെ പോരായ്മകൾ ചൂണ്ടിക്കാട്ടി രംഗത്തെത്തിയിരുന്നു. വിക്കറ്റ് കീപ്പർ ബാറ്റ്സ്മാൻമാരായ റിഷഭ് പന്തും, കെ. എൽ രാഹുലും മികച്ച പ്രകടനങ്ങളാണ് നടത്തുന്നത്. അതിനാൽ തന്നെ ഇന്ത്യൻ ടീമിൽ സ്ഥാനമുറപ്പിക്കാൻ സഞ്ജുവിന് തന്‍റെ പ്രകടനം ഏറെ മെച്ചപ്പെടുത്തേണ്ടി വരും.

യുവതാരങ്ങൾക്ക് ഏറെ പ്രാധാന്യമുള്ളതാണ് ട്വന്‍റി-ട്വന്‍റി ലോകകപ്പിന് മുന്നോടിയായി ഈ മാസം 16 ന് തുടങ്ങുന്ന ശ്രീലങ്കൻ പരമ്പര. മികച്ച പ്രകടനം നടത്തിയാൽ ലോകകപ്പ് ഉൾപ്പെടെയുള്ള പ്രധാന ടൂർണമെന്‍റുകളിൽ ടീമിൽ ഇടം നേടാനുള്ള അവസരമാണ് യുവതാരങ്ങളെ കാത്തിരിക്കുന്നത്.