ന്യൂഡല്ഹി: ലോക്ക് ഡൗണിനെ തുടർന്ന് ഫോം വീണ്ടെടുക്കാന് ബാറ്റ്സ്മാന്മാരെക്കാൾ ബൗളേഴ്സാകും കൂടുതല് ബുദ്ധിമുട്ടുകയെന്ന് മുന് ഓസ്ട്രേലിയന് പേസർ ബ്രെറ്റ് ലീ. ഏകദിന, ടെസ്റ്റ് മത്സരങ്ങളില് ബൗളേഴ്സ് പഴയ പേസില് പന്തെറിയണമെങ്കില് എട്ട് ആഴ്ചയെങ്കിലും പരിശീലനം നടത്തേണ്ടിവരുമെന്നും അദ്ദേഹം പറഞ്ഞു. നിലവില് ഇംഗ്ലണ്ടിന്റെയും വെസ്റ്റ് ഇന്ഡീസിന്റെയും ടീമുകൾ പരിശീലനം പുനരാരംഭിച്ചു. ഇരു രാജ്യങ്ങളും തമ്മിലുള്ള ടെസ്റ്റ് പരമ്പരക്ക് മുന്നോടിയായി ചെറിയ ഗ്രൂപ്പുകളായാണ് പരിശീലനം. ജൂണ് അവസാനമോ ജൂലൈ ആദ്യമോ ആയി പരമ്പരക്ക് തുടക്കമാകും. വെസ്റ്റ് ഇന്ഡീസിനെതിരായ പരമ്പരക്ക് ശേഷം ഇംഗ്ലണ്ടില് പാകിസ്ഥാന് ടീം പര്യടനം നടത്തും. ഏകദിന, ടെസ്റ്റ് പരമ്പരകളാകും ഇംഗ്ലണ്ടില് പാക് ടീം കളിക്കുക.
![ബ്രെറ്റ് ലീ വാർത്ത ലോക്ക് ഡൗണ് വാർത്ത കൊവിഡ് 19 വാർത്ത brett lee news lock down news covid 19 news](https://etvbharatimages.akamaized.net/etvbharat/prod-images/playing-one-day-cricket-or-test-cricket-a-good-eight-weeks-of-leading-and-bowling-at-full-pace-to-get-into-that-match-fitness-so-it-will-be-a-bit-tougher-for-the-bowlers_2705newsroom_1590576624_881.jpg)