ഐപിഎല്‍ ടീം Sunrisers Hyderabad ന്‍റെ നായക സ്ഥാനത്ത് നിന്നും ടീമില്‍ നിന്നും ഡേവിഡ് വാര്‍ണറെ മാറ്റി നിര്‍ത്തിയത് മോശം ഫോമിനെ തുടര്‍ന്നായിരുന്നില്ലെന്ന് സഹ പരിശീലകന്‍ ബ്രാഡ് ഹഡ്ഡിന്‍. IPL ന് ശേഷം നടന്ന T20 ലോകകപ്പിന്‍റെ താരമായി തെരഞ്ഞെടുക്കപ്പെട്ടതിന് പിന്നാലെ നടക്കുന്ന ചര്‍ച്ചകള്‍ക്കിടെയാണ് ഹഡ്ഡിന്‍റെ പ്രതികരണം.
David Warner മോശം ഫോമിലായിരുന്നില്ലെന്നും വേണ്ടത്ര മാച്ച് പ്രാക്ടീസ് ലഭിക്കാതിരുന്നതിന്‍റെ പേരിലാണ് പ്ലേയിങ് ഇലവനില്‍ ഉള്‍പ്പെടാതിരുന്നതെന്നുമാണ് ഹഡ്ഡിന്‍ പറയുന്നത്. ഓസീസിന്‍റെ വെസ്റ്റ്ഇന്‍ഡീസ്, ബംഗ്ലാദേശ് പര്യടനങ്ങളില്‍ പങ്കെടുക്കാതിരുന്ന വാര്‍ണര്‍ ക്രിക്കറ്റില്‍ നിന്നും വലിയ ഇടവേളയിലായിരുന്നു.
ഇക്കാരണത്താല്‍ കുറച്ച് മാച്ച് പ്രാക്ടീസ് വാര്‍ണര്‍ക്ക് ആവശ്യമായിരുന്നു.നെറ്റ്‌സില്‍ പന്ത് കൃത്യമായി കണക്‌ട് ചെയ്യാന്‍ വാര്‍ണര്‍ക്ക് കഴിഞ്ഞിരുന്നു. സാഹചര്യങ്ങള്‍ തങ്ങളുടെ പരിധിയിലായിരുന്നില്ലെന്നും ഹഡ്ഡിന്‍ പറഞ്ഞു.
അതേസമയം ഐപിഎല്ലില്‍ നിന്നും തഴയപ്പെട്ടതിന് പിന്നാലെ ലോകകപ്പ് സന്നാഹ മത്സരത്തിലും വാര്‍ണര്‍ക്ക് നിരാശയായിരുന്നു ഫലം. എന്നാല്‍ ദുബൈയില്‍ ഓസീസിന്‍റെ ലോകകപ്പ് നേട്ടത്തില്‍ നിര്‍ണായകമാവാന്‍ താരത്തിന് കഴിഞ്ഞു.
also read: അഞ്ച് കോടിയുടെ രണ്ട് വാച്ചുകളുമായി ഹാർദിക് പാണ്ഡ്യ കസ്റ്റംസിന്‍റെ പിടിയില്‍
ഏഴ് മത്സരങ്ങളില്‍ നിന്ന് 289 റണ്‍സ് അടിച്ച് കൂട്ടിയ വാര്‍ണര്‍ റണ്‍വേട്ടക്കാരുടെ പട്ടികയില്‍ രണ്ടാമതായിരുന്നു. ന്യൂസിലാന്‍ഡിനെതിരായ ഫൈനലിലെ 53 റണ്‍സുള്‍പ്പടെ മൂന്ന് അര്‍ധ സെഞ്ച്വറികളുടെ അകമ്പടിയോടെ 48.16 ശരാശരിയിലാണ് താരത്തിന്‍റെ പ്രകടനം.
