Simbu and Sivakarthikeyan join Rajini movie: സ്‌റ്റൈല്‍ മന്നന്‍ രജനികാന്തിന്‍റെ ഏറ്റവും പുതിയ ചിത്രത്തില്‍ ചിമ്പുവും ശിവകാര്‍ത്തികേയനും. രജനികാന്തിന്‍റെ 169ാം ചിത്രത്തിലാണ് ചിമ്പുവും ശിവകാര്‍ത്തികേയനും ഒന്നിക്കുന്നത്‌ എന്നാണ് റിപ്പോര്‍ട്ടുകള്‍. അതേസമയം 'തലൈവര്‍ 169'ല്‍ ചിമ്പുവും ശിവകാര്‍ത്തികേയനും അഭിനയിക്കുന്ന കാര്യത്തില്‍ ഔദ്യോഗിക സ്ഥിരീകരണം ഉണ്ടായിട്ടില്ല.
Rajinikanth Nelson teamup: നെല്‍സണ്‍ ദിലീപ്‌കുമാര്‍ സംവിധാനം ചെയ്യുന്ന ചിത്രത്തിന് 'തലൈവര്‍ 169' എന്നാണ് താത്‌ക്കാലികമായി പേരിട്ടിരിക്കുന്നത്‌. ഇതാദ്യമായാണ് ഒരു രജനികാന്ത്‌ ചിത്രം നെല്‍സണ്‍ സംവിധാനം ചെയ്യുന്നത്‌.
Rajinikanth Anirudh Ravichandar teamup: അനിരുദ്ധ്‌ രവിചന്ദറാണ് 'തലൈവര്‍ 169'ന്‌ വേണ്ടി സംഗീതം നിര്‍വഹിക്കുന്നത്‌. നെല്‍സനും അനിരുദ്ധും ഒന്നിക്കുന്ന നാലാമത്തെ ചിത്രമാണ് 'തലൈവര്‍ 169'. രജനിയും അനിരുദ്ധും ഇത്‌ മൂന്നാം തവണയാണ് ഈ സിനിമയിലൂടെ ഒന്നിക്കുന്നത്‌.
നേരത്തെ 'പേട്ട', 'ദര്‍ബാര്‍' എന്നീ ചിത്രങ്ങള്‍ക്കായാണ് ഇരുവരും ഒന്നിച്ചത്‌. ഇരു ചിത്രങ്ങളിലെയും ഗാനങ്ങള്‍ ഹിറ്റ്‌ ചാര്‍ട്ടില്‍ ഇടംപിടിച്ചിരുന്നു.
Thalaivar 169 release: സണ്‍ പിക്‌ചേഴ്‌സാണ് നിര്‍മാണം. 2022 ഡിസംബറിനും 2023 ഫെബ്രുവരിക്കും ഇടയ്‌ക്ക്‌ ചിത്രം തിയേറ്ററുകളിലെത്തും. നിലവില്‍ കൊവിഡ്‌ സാഹചര്യം അനുകൂലമായതിനാല്‍ ആറ്‌ മാസം കൊണ്ട്‌ ചിത്രീകരണം പൂര്‍ത്തിയാക്കാനാകുമെന്നാണ്‌ അണിയറപ്രവര്‍ത്തകരുടെ പ്രതീക്ഷ.
Also Read: മമ്മൂട്ടിയും ദുല്‍ഖറും നേര്‍ക്കുനേര്‍... ആകാംക്ഷയില്‍ ആരാധകര്‍
