"എന്‍റെ ആ ആരാധനാ മൂർത്തി എന്നിലൂടെ പുനർജനിച്ച ആ നിമിഷങ്ങളുടെ ഓർമകൾ..." മലയാളിയുടെ നിത്യഹരിത നായകന്‍ പ്രേംനസീറിന്‍റെ ഓർമകൾക്കൊപ്പം തനിക്ക് ലഭിച്ച സുവർണാവസരം കൂടി പങ്കുവെക്കുകയാണ് നടൻ ഷമ്മി തിലകൻ. താരത്തിന്‍റെ ഓർമ ദിവസം അൽപം അസ്വസ്ഥമാക്കുന്നുവെങ്കിലും അദ്ദേഹത്തിന് വേണ്ടി 'ഡബ്ബ്' ചെയ്‌ത് സിനിമയിലേക്ക് തുടക്കം കുറിക്കാൻ ഭാഗ്യമുണ്ടായെന്ന കുറിപ്പാണ് ഷമ്മി തന്‍റെ ഫേസ്‌ബുക്ക് പേജിൽ പോസ്റ്റ് ചെയ്‌തത്. ഒപ്പം, കടത്തനാടന്‍ അമ്പാടി ചിത്രത്തിലെ തന്‍റെ ശബ്‌ദത്തിൽ നസീർ അഭിനയിച്ച രംഗവും പോസ്റ്റിനൊപ്പം താരം ഉൾപ്പെടുത്തിട്ടുണ്ട്.
- " class="align-text-top noRightClick twitterSection" data="">
- " class="align-text-top noRightClick twitterSection" data="">
1990ലിറങ്ങിയ കടത്തനാടന്‍ അമ്പാടി ചിത്രം നസീറിന്‍റെ മരണത്തിന് ശേഷമാണ് റിലീസ് ചെയ്‌തത്. അദ്ദേഹത്തിന്‍റെ അവസാന ചിത്രത്തിൽ മോഹൻലാലും പ്രധാന വേഷം ചെയ്‌തിരുന്നു. ഷമ്മിക്ക് പുറമെ പ്രണയ നായകന്‍റെ വേർപാടിനെ അനുസ്‌മരിച്ച് മോഹൻലാലും മമ്മൂട്ടിയും സമൂഹമാധ്യമങ്ങളിൽ നസീറിന്‍റെ ഓർമകൾ പങ്കുവെച്ചു.
- " class="align-text-top noRightClick twitterSection" data="">
