കന്നഡ ചലച്ചിത്രമേഖലയിലെ പ്രശസ്‌ത സംവിധായകനും നടനുമാണ് രക്ഷിത് ഷെട്ടി. ചുരുക്കം സിനിമകൾ കൊണ്ട് വ്യത്യസ്‌ത പ്രമേയത്തിലൂടെയും അവതരണത്തിലൂടെയും ഉയർന്നുവന്ന താരത്തിന്‍റെ സിനിമകൾക്ക് കേരളത്തിലും ആരാധകരുണ്ട്.
ബഹുഭാഷ ചിത്രം 777 ചാര്‍ലിയുടെ അടുത്തിടെ റിലീസ് ചെയ്‌ത ടീസറിന് ഗംഭീര പ്രതികരണമാണ് മലയാളത്തിൽ നിന്നും ലഭിച്ചത്. ഇപ്പോഴിതാ, കെജിഎഫിന്‍റെ നിർമാതാക്കളായ ഹൊംബാലെ ഫിലിംസ് നിർമിക്കുന്ന പുതിയ ചിത്രവുമായാണ് രക്ഷിത് ഷെട്ടിയുടെ വരവ്.
കെജിഎഫ്, സലാർ തുടങ്ങിയ ബ്രഹ്മാണ്ഡ ചിത്രങ്ങളടക്കം ഇതിനോടകം ഒമ്പത് ചിത്രങ്ങൾ നിർമിച്ച ഹൊംബാലെ ഫിലിംസിന്‍റെ പത്താമത്തെ ചിത്രത്തിന്‍റെ ടൈറ്റിൽ അനൗൺസ്‌മെന്‍റ് വീഡിയോ പുറത്തിറങ്ങി.
- " class="align-text-top noRightClick twitterSection" data="">
'റിച്ചാർഡ് ആന്‍റണി: ലോർഡ് ഓഫ് ദി സീ' എന്ന പേരില്‍ ഒരുങ്ങുന്ന ചിത്രത്തിലെ നായകനും സംവിധായകനും രക്ഷിത് ഷെട്ടിയാണ്. ഒരു കാക്കയും ശവകുടീരവും പെട്ടെന്ന് കടന്നുവരുന്ന മഴയും സമീപത്തുള്ള മഹാസമുദ്രവുമാണ് വീഡിയോയിൽ കാണിച്ചിരിക്കുന്നത്. നിഗൂഢത നിറഞ്ഞ കഥയായിരിക്കും സിനിമയുടേതെന്നാണ് ടൈറ്റിൽ ടീസർ നൽകുന്ന സൂചന.
More Read: നിഷ്‌കളങ്കതയും കുസൃതിയും നിറഞ്ഞ ചാർലി ; രക്ഷിത് ഷെട്ടി ചിത്രത്തിന്‍റെ ടീസർ
രോഹിത് ഷെട്ടിയാണ് തിരക്കഥാകൃത്ത്. ബി അജനീഷ് ലോകനാഥാണ് ചിത്രത്തിന്‍റെ സംഗീതവും പശ്ചാത്തല സംഗീതവും ഒരുക്കുന്നത്. കരം ചാവ്ള ഛായാഗ്രഹണം നിർവഹിക്കുന്ന ചിത്രത്തിന്‍റെ എഡിറ്റർ പ്രതീക് ഷെട്ടിയാണ്.
