James release: അന്തരിച്ച പ്രമുഖ നടന്‍ പുനീത്‌ രാജ്‌കുമാര്‍ നായകനായെത്തിയ ചിത്രം 'ജെയിംസ്‌' തിയേറ്ററുകളിലെത്തി. പ്രിയ നടന്‍റെ അവസാന ചിത്രത്തിന് വന്‍ വരവേല്‍പ്പാണ് ലഭിച്ചിരിക്കുന്നത്‌. തിയേറ്ററുകളില്‍ നിന്നും മികച്ച പ്രതികരണമാണ് ചിത്രത്തിന് ലഭിച്ചുകൊണ്ടിരിക്കുന്നത്‌.
James screening: പുനീതിന്‍റെ പിറന്നാള്‍ ദിനത്തിലാണ് ചിത്രം റിലീസിനെത്തുന്നതെന്ന പ്രത്യേകതയുമുണ്ട്‌. ഒരു കന്നഡ ചിത്രത്തിന് ലഭിക്കുന്ന ഏറ്റവും വലിയ സ്വീകാര്യതയാണ് 'ജെയിംസി'ന് ലഭിച്ചിരിക്കുന്നത്‌. കര്‍ണ്ണാടകയില്‍ സാധാരണ വന്‍ താര ചിത്രങ്ങള്‍ 300-320 തിയേറ്ററുകളിലാണ് റിലീസിനെത്തുന്നതെങ്കില്‍ 'ജെയിംസ്‌' 380 തിയേറ്ററുകളിലെ 450 സ്‌ക്രീനുകളില്‍ പ്രദര്‍ശനം ആരംഭിച്ചിരിക്കുകയാണ്. കര്‍ണ്ണാടകത്തില്‍ മാത്രം ആദ്യ ദിനം 2100 പ്രദര്‍ശനങ്ങളാണ് ചിത്രത്തിനുള്ളത്‌. പുലര്‍ച്ചെ 200 പ്രദര്‍ശനങ്ങളും നടന്നു.
James advance booking collection: ബംഗളൂരു നഗരത്തില്‍ മാത്രം നാല്‌ കോടി രൂപയുടെ അഡ്വാന്‍സ്‌ ബുക്കിംഗ്‌ ആണ് കഴിഞ്ഞ ദിവസം രാത്രി വരെ 'ജെയിംസി'ന് ലഭിച്ചത്‌. ഇന്നത്തെ ബംഗളൂരു കലക്ഷന്‍ അഞ്ച്‌ കോടിയിലെത്താന്‍ സാധ്യതയുണ്ട്‌. മൈസൂരുവിലും മികച്ച ബുക്കിംഗ്‌ ആണ് ചിത്രത്തിന് ലഭിച്ചിരിക്കുന്നത്‌. 110 ഷോകളിലെ 30,000 ടിക്കറ്റുകള്‍ വിറ്റുപോയി. 7.50-8 കോടി രൂപയാണ് കര്‍ണ്ണാടകത്തിലെ അഡ്വാന്‍സ്‌ ബുക്കിംഗിലൂടെ ചിത്രത്തിന് ലഭിച്ചത്‌.
James cast and crew: പ്രിയ ആനന്ദ്‌, അരുണ്‍ പ്രഭാകര്‍, ശ്രീകാന്ത്‌, ആര്‍ ശരത്‌കുമാര്‍, ഹരീഷ്‌ പേരടി, തിലക്‌ ശേഖര്‍, മുകേഷ്‌ ഋഷി, ആദിത്യ മേനോന്‍, അവിനാശ്‌, രംഗയാന രഘു, സധു കോകില, ചിക്കണ്ണ, സുചേന്ദ പ്രസാദ്‌ തുടങ്ങി ഒട്ടേറെ താരങ്ങള്‍ ചിത്രത്തില്‍ അണിനിരക്കും. ചേതന്‍ കുമാര്‍ ആണ് സംവിധാനം. ചേതന്‍ കുമാര്‍ തന്നെയാണ് ചിത്രത്തിന് വേണ്ടി തിരക്കഥ ഒരുക്കുന്നത്‌. കിഷോര്‍ പ്രൊഡക്ഷന്‍സിന്‍റെ ബാനറില്‍ കിഷോര്‍ ആണ് നിര്‍മാണം. ദീപു എസ്‌ കുമാര്‍ ചിത്രസംയോജനവും നിര്‍വഹിക്കും. ചരണ്‍ രാജ്‌ ആണം സംഗീതം.
Also Read: 10 വര്‍ഷം മുമ്പ്‌ ശ്രീനിവാസനെ പൊന്നാട അണിയിച്ച്‌ ജയറാം; ചട്ടയും മുണ്ടും അണിഞ്ഞ്‌ മീരാ ജാസ്‌മിന്‍
