James teaser: തെന്നിന്ത്യന്‍ ആരാധകര്‍ ഏറെ പ്രതീക്ഷയോടെ കാത്തിരിക്കുന്ന പുനീത്‌ രാജ്‌കുമാര്‍ ചിത്രം 'ജെയിംസി'ന്‍റെ ടീസര്‍ പുറത്ത്‌. പവര്‍ പാക്ക്‌ഡ്‌ എന്ന് തന്നെ വിശേഷിപ്പിക്കാവുന്ന ടീസറാണ് പുറത്തിറങ്ങിയിരിക്കുന്നത്‌.
- " class="align-text-top noRightClick twitterSection" data="">
James release: അന്തരിച്ച പ്രമുഖ താരം പുനീത്‌ രാജ്‌കുമാറിന്‍റെ ജന്മദിനത്തോടനുബന്ധിച്ച്‌ മാര്‍ച്ച് 17നാണ് ചിത്രം പ്രേക്ഷകര്‍ക്ക് മുമ്പിലെത്തുക. മലയാളം, തമിഴ്‌, തെലങ്ക്, ഹിന്ദി എന്നീ ഭാഷകളില്‍ ചിത്രം റിലീസ്‌ ചെയ്യും.
The power packed teaser of James: ഒരു സെക്യൂരിറ്റി കമ്പനിയിൽ മാനേജറായി ജോലി ചെയ്യുന്ന സന്തോഷ് കുമാർ (ജെയിംസ്) എന്ന കഥാപാത്രത്തെ ചുറ്റിപ്പറ്റിയാണ് ചിത്രത്തിന്‍റെ കഥ വികസിക്കുന്നത്‌. 'ജെയിംസ്' ടീസറിലൂടെ പുനീത്‌ രാജ്‌കുമാര്‍ ഏവരെയും അതിശയിപ്പിക്കുകയാണ്. 'എന്‍റെ എതിരാളികൾ വിജയിച്ചതിന് ഒരു രേഖയുമില്ല.. എന്നാൽ റെക്കോർഡുകൾ തകർക്കുന്നത് എനിക്ക് ശീലമാണ്' -എന്നിങ്ങനെയുള്ള പുനീതിന്‍റെ കഥാപാത്രത്തിന്‍റെ ഡയലോഗ്‌ ടീസറിന്‍റെ മുഖ്യ ആകര്‍ഷങ്ങളില്‍ ഒന്നാണ്.
James cast and crew: പ്രിയ ആനന്ദ്‌ ആണ് ചിത്രത്തില്‍ നായിക കഥാപാത്രത്തെ അവതരിപ്പിക്കുക. രാഘവേന്ദ്ര രാജ്‌കുമാറും ശിവ രാജ്‌കുമാറും ജെയിംസിൽ സുപ്രധാന വേഷത്തിലെത്തുന്നു. മൂന്ന് രാജ്‌കുമാർ സഹോദരന്മാരും ആദ്യമായി ഒന്നിച്ച്‌ സ്‌ക്രീൻ പങ്കിടുന്ന ചിത്രം കൂടിയാണിത്. ഇത്‌ പ്രേക്ഷകരുടെ പ്രതീക്ഷ വർധിപ്പിച്ചിരിക്കുകയാണ്.
ശരത് കുമാർ, ശ്രീകാന്ത് ആദിത്യ മേനോൻ, മുകേഷ് റിസി, രംഗയാന രഘു, അവിനാഷ്, സാധു കോകില, ചിക്കണ്ണ, അനു പ്രഭാകർ, സുചേന്ദ്ര പ്രസാദ്, കേതൻ കരണ്‍ടെ എന്നിവരും ചിത്രത്തില്‍ മറ്റു പ്രധാന കഥാപാത്രങ്ങളെ അവതരിപ്പിക്കും.
ചേതൻ കുമാര്‍ ആണ് സംവിധാനം. ചരൺ രാജാണ് ജെയിംസിന്‌ വേണ്ടി സംഗീതം ഒരുക്കിയിരിക്കുന്നത്. സ്വാമി ജെ.ഗൗഡ ഛായാഗ്രാഹണവും നിര്‍വഹിക്കും. ഡോ. രവി വർമ, രാം ലക്ഷ്‌മണ്‍, ചേതൻ ഡിസൂസ, അർജുൻ മാസ്‌റ്റര്‍, വിജയ് മാസ്‌റ്റര്‍ എന്നിവര്‍ ചേര്‍ന്നാണ്‌ സ്‌റ്റണ്ട്‌ ഒരുക്കിയിരിക്കുന്നത്.
Also Read: 'ഇതിനകം തന്നെ രൺബീർ കപൂറുമായി വിവാഹിതയായി'; വെളിപ്പെടുത്തലുമായി ആലിയ ഭട്ട്‌
