ഹൗ ഓള്‍ഡ് ആര്‍ യുവിന് ശേഷം മഞ്ജു വാര്യരും റോഷന്‍ ആന്‍ഡ്രൂസും ഒന്നിക്കുന്ന പുതിയ ചിത്രം പ്രതി പൂവന്‍ കോഴിയുടെ ട്രെയിലര്‍ പുറത്തിറങ്ങി. നടന്‍ ദുല്‍ഖര്‍ സല്‍മാനാണ് ട്രെയിലര്‍ റിലീസ് ചെയ്തത്. റോഷന്‍ ആന്‍ഡ്രൂസ് സംവിധാനം ചെയ്തിരിക്കുന്ന ചിത്രം ത്രില്ലറായിരിക്കുമെന്നാണ് ട്രെയിലര്‍ സൂചിപ്പിക്കുന്നത്. ഉണ്ണി.ആര്‍ തിരക്കഥയൊരുക്കിയ ചിത്രത്തില്‍ മാധുരിയെന്ന സെയില്‍സ് ഗേളായിട്ടാണ് മഞ്ജു വേഷമിടുന്നത്. മാധുരിയുടെ ജീവിതത്തിലുണ്ടാകുന്ന ചില അപ്രതീക്ഷിത സംഭവങ്ങളും തുടര്‍ന്നുണ്ടാകുന്ന പ്രശ്നങ്ങളുമാണ് ചിത്രത്തിന്‍റെ ഇതിവൃത്തം. റോഷന്‍ ആന്‍ഡ്രൂസാണ് ചിത്രത്തില്‍ വില്ലന്‍ കഥാപാത്രത്തെ അവതരിപ്പിക്കുന്നത് എന്നത് ചിത്രത്തിന്‍റെ മറ്റൊരു പ്രത്യേകതയാണ്. ശ്രീ ഗോകുലം മൂവീസിന്‍റെ ബാനറില്‍ ഗോകുലം ഗോപാലനാണ് നിര്‍മാണം. അനുശ്രീ, അലന്‍സിയര്‍, ഷൈജു കുറുപ്പ്, ഗ്രേസ് ആന്‍റണി എന്നിവരാണ് മറ്റ് പ്രധാന താരങ്ങള്‍.
- " class="align-text-top noRightClick twitterSection" data="">
