ബീസ്റ്റ് ചിത്രത്തിന്‍റെ ടൈറ്റിൽ പ്രഖ്യാപനത്തിനൊപ്പമായിരുന്നു ഇത്തവണ ദളപതി വിജയ്‌യുടെ ജന്മദിനാഘോഷങ്ങളും കടന്നുപോയത്. നെൽസൺ ദിലീപ് കുമാർ സംവിധാനം ചെയ്യുന്ന ആക്ഷൻ- പാക്ക്ഡ് തമിഴ് ചിത്രത്തിന്‍റെ ഷൂട്ടിങ് ഇന്ന് ചെന്നൈയിൽ പുനരാരംഭിച്ചു.
ബീസ്റ്റിന്‍റെ ഭാഗമാകാൻ പൂജ ഹെഗ്‌ഡെ ചെന്നൈയിലെത്തി. വിജയ്‌യുടെയും പൂജ ഹെഗ്‌ഡെയുടെയും ഗാനരംഗത്തിന്‍റെ ചിത്രീകരണമാണ് ഇന്ന് തുടങ്ങിയത്. ബോളിവുഡിലും തെലുങ്കിലും ശ്രദ്ധേയയായ താരത്തിന്‍റെ ആദ്യ തമിഴ് ചിത്രമാണിത്. ഡാൻസ് രംഗങ്ങൾ ഒരുക്കുന്നത് നൃത്തസംവിധായകൻ ജാനിയാണ്. ബീസ്റ്റിലെ ഗാന ചിത്രീകരണത്തിനായി വമ്പൻ സെറ്റ് ചെന്നൈയിൽ നിർമിച്ചിട്ടുള്ളതായാണ് റിപ്പോർട്ടുകൾ.
-
That's how she marks her entry in Tamilnadu. Time to earn love from Tamil Fans ❤️ #Beast #Poojahegde @hegdepooja pic.twitter.com/bkZzMEcM83
— Pooja Hegde FC (@PoojaHegdeTFC) July 1, 2021 " class="align-text-top noRightClick twitterSection" data="
">That's how she marks her entry in Tamilnadu. Time to earn love from Tamil Fans ❤️ #Beast #Poojahegde @hegdepooja pic.twitter.com/bkZzMEcM83
— Pooja Hegde FC (@PoojaHegdeTFC) July 1, 2021That's how she marks her entry in Tamilnadu. Time to earn love from Tamil Fans ❤️ #Beast #Poojahegde @hegdepooja pic.twitter.com/bkZzMEcM83
— Pooja Hegde FC (@PoojaHegdeTFC) July 1, 2021
20 ദിവസത്തേക്കുള്ള ഷെഡ്യൂളാണ് ഈ മാസം ഷൂട്ട് ചെയ്യുന്നതെന്നും പിന്നീട് ഒരു ഇടവേളക്ക് ശേഷം നിർമാണത്തിന്‍റെ ബാക്കി ഭാഗങ്ങളിലേക്ക് കടക്കുമെന്നും പറയുന്നുണ്ട്.
അതേ സമയം, സിനിമയുടെ ആദ്യ ഷെഡ്യൂൾ മുമ്പ് ജോർജിയയിൽ വിജയകരമായി പൂർത്തിയാക്കിയിരുന്നു. എന്നാൽ, പൂജ ഹെഗ്‌ഡെ ആദ്യഷെഡ്യൂളിന്‍റെ ഭാഗമല്ലായിരുന്നു. അതിനാൽ തന്നെ ദളപതിക്കൊപ്പമുള്ള പാട്ട് രംഗത്തിലൂടെ തുടക്കം കുറിച്ചാണ് നടി ബീസ്റ്റിന്‍റെ ഭാഗമാകുന്നത്.
More Read: ദളപതി 65ൽ നായിക പൂജ ഹെഗ്‌ഡെ
സൺ പിക്ചേഴ്സാണ് ചിത്രത്തിന്‍റെ നിർമാതാക്കൾ. അനിരുദ്ധ് രവിചന്ദർ സംഗീതമൊരുക്കുന്നു. മനോജ് പരമഹംസ ബീസ്റ്റിന്‍റെ കാമറ കൈകാര്യം ചെയ്യുന്നു. മലയാളിതാരങ്ങളായ ഷൈൻ ടോം ചാക്കോ, അപർണ ദാസ് എന്നിവരും യോഗി ബാബു, വിടിവി ഗണേഷ് തുടങ്ങിയ താരങ്ങളും ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നു.
