'ഫെയ്സ് ഓഫ് ദ വീക്ക്' ; മോഹന്‍ലാലിന് നാഷണല്‍ ഫിലിം ആര്‍ക്കൈവ്‌സ് ഓഫ് ഇന്ത്യയുടെ ആദരം

കേന്ദ്ര വാര്‍ത്താവിതരണ പ്രക്ഷേപണ മന്ത്രാലയത്തിന് കീഴില്‍ പ്രവർത്തിക്കുന്ന നാഷണല്‍ ഫിലിം ആര്‍ക്കൈവ്‌സ് ഓഫ് ഇന്ത്യയുടെ ഫേസ്ബുക്കിലെ കവർചിത്രം മോഹൻലാല്‍.

കഥാപാത്രങ്ങളായി അഭിനയിക്കുകയല്ല, അവതാരമെടുക്കുന്ന കുലപതി, ഭാവങ്ങളുടെ ഖനിയാണ് മോഹൻലാലെന്നാണ് വിശേഷണം. മലയാളിയുടെ സ്വകാര്യ അഹങ്കാരം കൂടിയായ മോഹൻലാലിന്‍റെ 61-ാം ജന്മദിനമാണ് കടന്നുപോയത്. സമൂഹമാധ്യമങ്ങളിൽ ആശംസ പെരുമഴയായിരുന്നു താരചക്രവർത്തിക്ക് സുഹൃത്തുക്കളും സഹപ്രവർത്തകരും ആരാധകരും നൽകിയത്.

ഇപ്പോഴിതാ, നാഷണല്‍ ഫിലിം ആര്‍ക്കൈവ്‌സ് ഓഫ് ഇന്ത്യയുടെ ഫേസ് ഓഫ് ദി വീക്ക് ആയി തെരഞ്ഞെടുത്തതും മഹാനടൻ മോഹന്‍ലാലിനെയാണ്. ഈ ആഴ്ചയിലെ മുഖമായി മോഹന്‍ലാലിനെ തെരഞ്ഞെടുത്തുവെന്ന് അറിയിച്ചുകൊണ്ട് എൻഎഫ്എഐയുടെ ഔദ്യോഗിക ഫേസ്ബുക്ക് പേജിന്‍റെ കവർ ചിത്രമായും താരത്തിന്‍റെ ഫോട്ടോയാണ് ഉൾപ്പെടുത്തിയിരിക്കുന്നത്.

• " class="align-text-top noRightClick twitterSection" data="">

കേന്ദ്ര വാര്‍ത്താവിതരണ പ്രക്ഷേപണ മന്ത്രാലയത്തിന് കീഴില്‍ പൂനെ ആസ്ഥാനമാക്കി പ്രവർത്തിക്കുന്ന സ്ഥാപനമാണ് നാഷണല്‍ ഫിലിം ആര്‍ക്കൈവ്‌സ് ഓഫ് ഇന്ത്യ. ഇവിടെ പതിനായിരത്തോളം ചലച്ചിത്രങ്ങളും തിരക്കഥകളും പുസ്തകങ്ങളും അമ്പതിനായിരത്തോളം ചിത്രങ്ങളും സൂക്ഷിക്കുന്നുണ്ട്.

More Read: ആശംസകള്‍ക്ക് നന്ദി അറിയിച്ച് മോഹന്‍ലാല്‍, ഒപ്പം ആരാധകര്‍ക്കായി പുതിയ ഫോട്ടോയും

ഈ ആഴ്ച ആദ്യം മുതൽ എൻഎഫ്എഐയുടെ ഫേസ്ബുക്ക് പേജിൽ മോഹന്‍ലാലിന്‍റെ വിവിധ സിനിമകളെ കുറിച്ചുള്ള വിവരണവും നൽകുന്നുണ്ട്. വാനപ്രസ്ഥം, വസ്തുഹാര, നമുക്ക് പാര്‍ക്കാന്‍ മുന്തിരിത്തോപ്പുകള്‍, ഉള്ളടക്കം, നാടോടിക്കാറ്റ്, ഇരുവര്‍ എന്നീ മോഹൻലാൽ ചിത്രങ്ങളെയാണ് ഫേസ്ബുക്കിൽ നാഷണല്‍ ഫിലിം ആര്‍ക്കൈവ്‌സ് പരാമർശിച്ചത്.