Marakkar deleted scene :തിയേറ്റര്‍ റിലീസായും ആമസോണ്‍ റിലീസായും പ്രേക്ഷകര്‍ക്ക് മുമ്പിലെത്തിയ 'മരക്കാര്‍ അറബിക്കടലിന്‍റെ സിംഹ'ത്തിലെ നീക്കം ചെയ്‌ത രംഗം പുറത്ത്. ചിത്രത്തില്‍ മോഹന്‍ലാല്‍, സിദ്ദിഖ്, മാമുക്കോയ, നന്ദു എന്നിവരടങ്ങുന്ന ഒരു രംഗമാണ് ഇപ്പോള്‍ അണിയറപ്രവര്‍ത്തകര്‍ പുറത്തുവിട്ടിരിക്കുന്നത്.
കുഞ്ഞാലി മരക്കാറും പട്ടുമരക്കാറും സാമൂതിരിയുടെ കൊട്ടാരത്തില്‍ എത്തുന്ന രംഗത്തില്‍ 11 കെട്ടിയ ഹാജിയുടെ രംഗമാണ് വീഡിയോയില്‍. മമ്മൂക്കയുടെ ഈ കഥാപാത്രത്തോട് സിദ്ദിഖിന്‍റെ പട്ടുമരക്കാർ എന്ന കഥാപാത്രം, പണ്ട് കൊണ്ടോട്ടി മാർക്കറ്റിൽ വച്ച് സ്ഥിരം തല്ല് വാങ്ങിയിരുന്ന ആളല്ലേ ഇതെന്നും പല്ല് കണ്ടാൽ തനിക്ക് തിരിച്ചറിയാമെന്നും പറയുന്നു. ഹാജിയോട്‌ എത്ര ഭാര്യയുണ്ടെന്ന്‌ ചോദിക്കുകയും തുടര്‍ന്ന് അവിടുന്ന് സ്ഥലം വിടുകയും ചെയ്യുന്ന ഹാജിയുമാണ് വീഡിയോയില്‍.
- " class="align-text-top noRightClick twitterSection" data="">
Priyadarshan in Marakkar deleted scene : ഈ രംഗം ക്യാമറയില്‍ പകര്‍ത്തിയതിന് ശേഷം മോണിറ്ററില്‍ നോക്കി അത് വിലയിരുത്തുന്ന സംവിധായകന്‍ പ്രിയദര്‍ശനെയും വീഡിയോയില്‍ കാണാം. മാമുക്കോയയുടെ ഡയലോഗ്‌ കേട്ട് അദ്ദേഹം ചിരിക്കുന്നതും കാണാം.
Marakkar trolls : ആമസോണ്‍ റിലീസിന് ശേഷം ഈ രംഗം മലയാളത്തിൽ ഒഴികെ പുറത്തിറങ്ങിയ മറ്റ് പതിപ്പുകളില്‍ കണ്ടതായി കഴിഞ്ഞ ദിവസം സോഷ്യല്‍ മീഡിയയില്‍ ചര്‍ച്ചയായിരുന്നു. ഇതേ തുടർന്ന് സമൂഹമാധ്യമങ്ങളില്‍ ചിത്രത്തിനും പ്രിയദർശനുമെതിരെ രൂക്ഷ വിമർശനങ്ങളും ട്രോളുകളും ഉയര്‍ന്നു.
Marakkar amazon release : ഡിസംബര്‍ രണ്ടിന് ലോകമൊട്ടാകെയുള്ള തിയേറ്ററുകളിലും, ഡിസംബര്‍ 17ന്‌ ആമസോണ്‍ പ്രൈമിലുമാണ് ചിത്രം റിലീസ്‌ ചെയ്‌തത്. മലയാളത്തിന് പുറമെ തമിഴ്‌, തെലുങ്ക്, ഹിന്ദി എന്നീ ഭാഷകളിലും ചിത്രം ആമസോണ്‍ പ്രൈമിലൂടെ ലഭ്യമാകും.
Marakkar pre release record :റിലീസിന് മുമ്പ് തന്നെ പ്രീ ബുക്കിങ്ങിലൂടെ 100 കോടി ക്ലബ്ബിലിടം പിടിച്ച ചിത്രമാണ് മരക്കാര്‍
First 100 Crore Budget Malayalam movie : മലയാളത്തിലെ ഏറ്റവും ചെലവേറിയ ചിത്രമെന്ന വിശേഷണത്തോടെയാണ് 'മരക്കാര്‍' പുറത്തിറങ്ങിയത്. ആറ് ദേശീയ പുരസ്‌കാരങ്ങള്‍ കരസ്ഥമാക്കിയ 'മരക്കാര്‍' മലയാളത്തിലെ എക്കാലത്തെയും ഉയര്‍ന്ന ബഡ്‌ജറ്റ് ചിത്രമാണ്. 100 കോടി ബഡ്‌ജറ്റിലൊരുങ്ങിയ മലയാളത്തിലെ ആദ്യ ചിത്രവുമാണ്.
Mohanlal as Kunjali Marakkar : മോഹന്‍ലാല്‍ ആണ് ചിത്രത്തില്‍ കുഞ്ഞാലി മരക്കാറായി എത്തിയത്. ഇവരെ കൂടാതെ അര്‍ജുന്‍, പ്രഭു, സുനില്‍ ഷെട്ടി, മഞ്ജു വാര്യര്‍, കീര്‍ത്തി സുരേഷ്, സുഹാസിനി, കല്യാണി പ്രിയദര്‍ശന്‍, നെടുമുടി വേണു, സിദ്ദിഖ്, ഫാസില്‍, ഇന്നസെന്‍റ്‌, അശോക് സെല്‍വ, ഹരീഷ്‌ പേരടി തുടങ്ങി നീണ്ട താരനിരയാണ് ചിത്രത്തില്‍ അണിനിരന്നത്.
Marakkar cast and crew : ആശിര്‍വാദ്‌ സിനിമാസ്, മൂണ്‍ഷൂട്ട് എന്‍റര്‍ടെയ്‌ന്‍മെന്‍റ്, കോണ്‍ഫിഡന്‍സ് ഗ്രൂപ്പ് എന്നീ ബാനറുകളിലായിരുന്നു നിര്‍മാണം. ഡോക്‌ടര്‍ റോയ്‌, സന്തോഷ്‌ ടി. കുരുവിള എന്നിവര്‍ ആന്‍റണി പെരുമ്പാവൂരിന്‍റെ സഹ നിര്‍മാതാക്കളാണ്.
സാബു സിറിള്‍ ആണ് പ്രൊഡക്ഷന്‍ ഡിസൈനര്‍. എസ്.തിരുനവുകരസു ഛായാഗ്രഹണവും നിര്‍വഹിച്ചു. പ്രിയദര്‍ശന്‍, അനി ഐവി ശശി എന്നിവര്‍ ചേര്‍ന്നാണ് തിരക്കഥ ഒരുക്കിയത്. സിദ്ധാര്‍ഥ്‌ പ്രിയദര്‍ശനാണ് വിഎഫ്‌എക്‌സ്‌. രാഹുല്‍ രാജാണ് പശ്ചാത്തല സംഗീതം. റോണി റാഫേല്‍ ആണ് സംഗീതം.
Also Read : Salute New Poster : അരവിന്ദ്‌ കരുണാകരന്‍ മിഷനിലാണ് ; സല്യൂട്ടുമായി ദുല്‍ഖര്‍
