Mammootty's Kazhcha 3 : നിര്‍ധനരായ നേത്ര രോഗികള്‍ക്ക്‌ മെഗാസ്‌റ്റാര്‍ മമ്മൂട്ടിയുടെ കൈത്താങ്ങ്. മമ്മൂട്ടിയുടെ നേത്ര ചികിത്സ പദ്ധതി 'കാഴ്‌ച' യുടെ മൂന്നാം പതിപ്പ് നാളെ ആരംഭിക്കുന്നു. മമ്മൂട്ടിയുടെ കെയര്‍ ആന്‍ഡ്‌ ഷെയര്‍ ഇന്‍റര്‍നാഷണല്‍ ഫൗണ്ടേഷനും അങ്കമാലി ലിറ്റില്‍ ഫ്‌ളവര്‍ ആശുപത്രിയും ചേര്‍ന്നാണ് 'കാഴ്‌ച 3' സംഘടിപ്പിക്കുന്നത്. ലിറ്റില്‍ ഫ്‌ളവര്‍ ആശുപത്രിയിലെ നേത്ര ബാങ്കിന്‍റെ സുവര്‍ണ ജൂബിലിയോടനുബന്ധിച്ചാണ് 'കാഴ്‌ച 3' നടത്തുന്നത്.
ഇത്തവണ ആദിവാസി മേഖലയില്‍ കൂടുതല്‍ സേവന പ്രവര്‍ത്തനങ്ങള്‍ ചെയ്യാനാണ് ലക്ഷ്യമിടുന്നത്. 2005ല്‍ 'കാഴ്‌ച' സിനിമയുടെ ചിത്രീകരണത്തിനിടെയാണ് മമ്മൂട്ടി ജീവകാരുണ്യ പ്രവര്‍ത്തനമായ 'കാഴ്‌ച' പദ്ധതി ആരംഭിക്കുന്നത്. പദ്ധതിയുടെ രണ്ടാം പതിപ്പ് 2010ലും നടന്നു. പദ്ധതിയുടെ ആദ്യ രണ്ട് പതിപ്പിലൂടെ നിരവധി പേര്‍ക്ക്‌ കാഴ്‌ച ലഭിച്ചിരുന്നു.
Robert Kuriakose about Mammootty's eye project : 'കാഴ്‌ച' മൂന്നാം പതിപ്പിനെ കുറിച്ച് മമ്മൂട്ടി ഫാന്‍സ്‌ അസോസിയേഷന്‍ പ്രസിഡന്‍റ്‌ റോബര്‍ട്ട്‌ കുര്യാക്കോസ്‌ തന്‍റെ ഫേസ്‌ബുക്ക് പേജിലൂടെ വിശദീകരിച്ചു. സിനിമ മെഗാഹിറ്റും നായകൻ മെഗാസ്‌റ്റാറും ആണെങ്കിൽ സിനിമയ്‌ക്ക് അഞ്ച് ഭാഗങ്ങൾ വരെ വരുമെന്നും എന്നാലൊരു ജീവകാരുണ്യ പദ്ധതിക്ക് രണ്ട് ഭാഗങ്ങള്‍ ഉണ്ടാകുന്നത് ഗംഭീര വിജയമാണെന്നും റോബര്‍ട്ട്‌ കുര്യാക്കോസ്‌ പറയുന്നു.
- " class="align-text-top noRightClick twitterSection" data="">
'സൂപ്പർ ഹിറ്റ്‌ സിനിമകൾക്ക് രണ്ടാം ഭാഗം വരുന്നത് സ്വാഭാവികം. സിനിമ മെഗാഹിറ്റും നായകൻ മെഗാസ്‌റ്റാറും ആണെങ്കിൽ സിനിമയ്‌ക്ക് അഞ്ച് ഭാഗങ്ങൾ വരെ വരും, അത് ലോക സിനിമ വ്യവസായത്തിൽ തന്നെ ചരിത്രവും ആകും, അതാണല്ലോ സി ബി ഐ. എന്നാൽ ഒരു ജീവകാരുണ്യ പദ്ധതിക്ക് രണ്ട് ഭാഗങ്ങൾ ഉണ്ടാവുക അത് രണ്ടും ഗംഭീര വിജയങ്ങൾ ആവുക എന്ന അപൂർവത മമ്മൂക്കയുടെ 'കാഴ്‌ച' എന്ന നേത്ര ചികിത്സ പദ്ധതിയിലൂടെ നാം കണ്ടു. പതിനായിരങ്ങൾക്ക് പ്രയോജനപ്പെട്ട ആ പദ്ധതി ഇതാ വീണ്ടും വരുന്നു.
കേരളത്തിലെ ഏറ്റവും വലിയ നേത്ര ചികിത്സ കേന്ദ്രമായ അങ്കമാലി ലിറ്റിൽ ഫ്‌ളവർ ഹോസ്‌പിറ്റലും മമ്മൂക്കയുടെ കെയർ ആൻഡ് ഷെയർ ഇന്‍റര്‍നാഷണൽ ഫൗണ്ടേഷനും സംയുക്തമായി അവതരിപ്പിക്കുന്ന "കാഴ്‌ച 3" അടുത്ത ദിവസം തന്നെ മമ്മൂക്ക നാടിന് സമർപ്പിക്കും. ഏതെങ്കിലും ഒരു വ്യക്തിയുടെ പേരിൽ രാജ്യത്ത് ഇന്നേവരെ നടന്ന ഏറ്റവും വലിയ സൗജന്യ നേത്ര ചികിത്സ പദ്ധതിയാണ് 'കാഴ്‌ച'.
Also Read : Vicky Kaushal Returns to Work : വിവാഹ ശേഷം തിരിച്ചെത്തി വിക്കി കൗശല്‍ ; 'കത്രീന എവിടെ'
ഇന്നേവരെ അതിലും വലിയ സമാനമായ ഒരു ക്യാമ്പയിൻ നടന്നതായി ചരിത്രമില്ല. അപ്പോൾ "കാഴ്‌ച 3" സമാനതകളില്ലാത്ത മറ്റൊരു ചരിത്രം സമ്മാനിക്കുമെന്ന് സംശയലേശമന്യേ പറയാം. ആദ്യത്തെ കാഴ്‌ച പദ്ധതി 2005/06 ലാണ് ആരംഭിച്ചത്. അന്ന് ആശുപത്രിയുടെ ഭാഗത്തുനിന്നും ക്യാമ്പയിൻ നയിച്ച അസിസ്‌റ്റന്‍റ്‌ അഡ്‌മിനിസ്ട്രേറ്റർ ശ്രീമതി മേരി സെബാസ്‌റ്റ്യനും ടീമും ഇത്തവണയും നേതൃത്വത്തിൽ ഉണ്ടെന്നത് പദ്ധതിയുടെ വിജയം ഊട്ടി ഉറപ്പിക്കും.
ഇത്തരം പദ്ധതികളുടെ നടത്തിപ്പിനായി അന്ന് മുതൽ ചങ്ക് പറിച്ച് കൂടെ നിൽക്കുന്ന മുഴുവൻ സുഹൃത്തുക്കളും ഇപ്പോഴും അതേപടി ഉണ്ടെന്നത് അഭിമാനകരം ആണ്. ആദ്യത്തെ രണ്ട് പദ്ധതികളും നടപ്പാക്കി വിജയിപ്പിച്ചത് മമ്മൂട്ടി ഫാൻസ്‌ വെൽഫയർ അസോസിയേഷൻ പ്രവർത്തകർ ആണ് എന്നത് അഭിമാനത്തോടെ ഓർക്കുന്നു. ഇക്കുറിയും അസോസിയേഷൻ വഴി വരുന്ന അപേക്ഷകൾക്ക് കൂടുതൽ പ്രാധാന്യം ലഭിച്ചിരിക്കും.
ഇത്തവണത്തെ ചികിത്സ പദ്ധതികളിലും ഗുണഭോക്താക്കളിലും എല്ലാം ചെറിയ വ്യത്യാസങ്ങൾ ഉണ്ട്. അത്തരം കാര്യങ്ങൾ അടുത്ത ദിവസങ്ങളിൽ തന്നെ പുറത്ത് വരും. ഈ പദ്ധതികൾക്ക് താങ്ങായി മുന്‍പേ തുടങ്ങി ഉണ്ടായിരുന്ന വടക്കുംപാടൻ അച്ഛനും ഡോ ടോണി ഫെർണാണ്ടസും ഡോ സ്‌റ്റിജി ജോസഫുമെല്ലാം സാന്നിധ്യം കൊണ്ട് അനുഗ്രഹിക്കും എന്ന പ്രതീക്ഷയിൽ പ്രിയപ്പെട്ടവർക്കായി ഈ സന്തോഷവാർത്ത പങ്കുവയ്ക്കുന്നു.'- റോബര്‍ട്ട്‌ കുര്യാക്കോസ്‌ കുറിച്ചു.
